दमक। पापोहाङ् लाओती सयङ् चुलाचुली गाउँपालिका समितिले मुटु र दुवै मृगौला पिढीत पाँचथर मिक्लाजुङ् ५ निवासी सानुसा लाओतीलाई ४० हजार ८ सय साठी रुपैयाँ आर्थिक सहयोग झापाको दमकमा एक कार्यक्रम गरी गरि हस्तान्तरण गरेको छ ।

सयङका अध्यक्ष रत्न लाओती र चुलाचुली १ नं. वार्डका वडाध्यक्ष पूर्ण लाओतीद्वयले सो रकम हस्तान्तरण गरेका हुन् । सो रकम चुलाचुलीका लाओतीबन्धुहरुबाट संकलन गरिएको वडाध्यक्ष पूर्ण लाओती (ध्रुब)ले बताए । पाँचथरको मिक्लाजुङ् ५ देखि अध्ययनको क्रममा झापा दमकमा बस्दै आएकी विद्यार्थी सानुसा लाओती अचानक करिब ६ महिना अगाडि देखि विरामी भई मुटु र दुवै मृगौलामा खराब देखिएपछि हाल विराटनरको नोवल अस्पतालमा उपचाररत छिन् ।

आर्थिक अभावका कारण उपचारमा समस्या भएको समाचार विभिन्न संचार माध्यमहरुबाट प्रकाशन प्रचारण भएपछि वहाँको उपचारमा हालसम्म करिब १४ लाख रकम जुटाईएको सहजकर्ता गगन लाओतीले बताए । निरन्तर अस्पतालको निगरानीमा औषधी खाईरहेकी विरामीको स्वास्थ्य सुधारन्मोख भईरहेको लाओतीले बताएका छन् । कोरोनाका कारण थप उपचारको निमित्त राम्रो अस्पतालमा जान ढिलाई भएतापनि आर्थिक सहयोग जुट्ने क्रम भईरहेको हुँदा दशैं पछि चाडैं ठूलो अस्पतालमा लगि उपचार गरिने लाओतीले बताएका छन् ।