यी हुन् भारतको प्रविधि जगतका शीर्ष १० अर्बपतिहरु

 लिम्बुवान न्युज
यी हुन् भारतको प्रविधि जगतका शीर्ष १० अर्बपतिहरु

काठमाडौं। कोरोना भाइरस महामारीका कारण सन् २०२० विश्वभर नै प्रविधि क्षेत्रका लागि समेत चुनौतिपूर्ण रह्यो ।

यद्यपि भारतका अर्वपतिहरुको सूचि सार्वजनिक गर्ने आइआइएफएल वेल्थ रिपोर्ट अनुसार यो वर्ष भारतमा थप १ सय ६१ जना नयाँ अनुहारहरु अर्बपतिको सूचिमा उक्लिन सफल भए ।

भारतको प्रविधि जगत आफैंमा निकै विशाल छ र धेरै अर्बपतिहरु यो क्षेत्रले जन्माएको छ । भारतको प्रविधि क्षेत्रका सबैभन्दा धनी १० अर्बपतिहरुको सूचि यस्तो छ :

१. शिव नादार : एचसिएल कम्पनीका संस्थापक नादार भारतका सबैभन्दा धनी प्रविधि अर्बपति हुन् । उनको सम्पत्ति १४ खर्ब १७ अर्ब भारु रहेको छ ।

२. आजिम प्रेमजी : विप्रो कम्पनीका संस्थापक अध्यक्ष प्रेमजी भारतका प्रविधि अर्बपतिको सूचिमा दोश्रो स्थानमा छन् । उनको सम्पत्ति ११ खर्ब ४४ अर्ब भारु रहेको छ ।

३. जय चौधरी : क्लाउड कम्प्युटिङ्ग कम्पनी स्कालरका सिइओ, अध्यक्ष तथा संस्थापक चौधरीको सम्पत्ति ६ खर्ब ५८ अर्ब भारु रहेको छ ।

४. सुनिल मित्तल : भारती इन्टरप्राइजेजका संस्थापक तथा अध्यक्ष मित्तल २ खर्ब ५५ अर्ब भारु सम्पत्ति सहित पाँचौ स्थानमा रहेका छन् ।

५. विजय शेखर शर्मा : पे टिम कम्पनीका संस्थापक तथा सिइओ शर्माको कूल सम्पत्ति २ खर्ब ३० अर्ब भारु रहेको छ ।

६. बिजु राभीन्द्रन : शिक्षा प्रविधि तथा अनलाइन शिक्षण कम्पनीको रुपमा रहेको बिजु कम्पनीका मालिक रभीन्द्रनको सम्पत्ति सन् २०२० मा ११३ प्रतिशतले बढेको छ । उनको कूल सम्पत्ति हाल २ खर्ब ४० करोड भारु पुगेको छ ।

७. एस गोपालकृष्णन् : इन्फोसिस कम्पनीका पूर्व सिइओ तथा सस्थापक गोपालकृष्णन्को सम्पत्ति १ खर्ब ८१ अर्ब भारु रहेको छ ।

८. एनआर नारायण मुर्थी : इन्फोसिस कम्पनीका सहसस्थापक रहेका मुर्थीको सम्पत्ति १ खर्ब ६४ अर्ब भारु रहेको छ ।

९. दिव्यांक टुराखिया : मेडिया नेट कम्पनीका संस्थापक टुराखियाको सम्पत्ति १ खर्ब ४० अर्ब भारु रहेको छ ।

१०. आमोद माल्भिया : इ-कमर्श प्लाटफर्मको रुपमा रहेको उडान कम्पनीका सहसंस्थापक रहेका माल्भियाको सम्पत्ति सन् २०२० लागेयता २७४ प्रतिशतले बढेको छ । भारतका टपटेन प्रविधि अर्बपतिको सूचिमा पर्न सफल उनको कूल सम्पत्ति १ खर्ब ३० अर्ब भारु रहेको छ ।

–एजेन्सीको सहयोगमा (अनलाइन खबरबाट)

सम्बन्धित समाचार

पुँजीबजारमा ब्रोकर कमिशन घटाउन माग

काठमाडौं । पछिल्लाे समय नेपालमा घरजग्गा काराेबार लकडाउनका कारण कम हुन थालेपछि व्यवसायीहरू शेयर बजारमा अाकर्शित हुने क्रम बढेसँगै शेयर बजार अहिले गर्माएकाे छ । अहिले सेयर खरिदबिक्री वापत तिर्नुपर्ने ब्रोकर कमिशन घटाउन माग गर्दै...

राष्ट्रसंघले गाँजालाई खतरनाक लागुपदार्थको सूचीबाट हटाउने प्रस्तावको पक्षमा नेपालले गर्याे  मतदान

एजेन्सी। राष्ट्रसंघीय नियोगले गाँजालाई खतरनाक लागुपदार्थको सूचीबाट हटाउने प्रस्ताव पारित गरेको छ । यो निर्णयसँगै गाँजालाई औषधिजन्य वनस्पतिका रूपमा स्वीकार गरिएको छ । नेपालले प्रस्तावको पक्षमा मतदान गरेको म्यारूवाना बिजनेस डेलीले जनाएकाे छ । अन्य...

मालपोत कार्यालय दमकले माग्यो माफी

दमक। मालपोत कार्यालय दमकले मंगलबार मालपोत कार्यालयमा भएको घटनाप्रति दुःख प्रकट गर्दै यसको निष्पक्ष छानविन गरेर दोषी उपर कार्वाही गर्न सम्बन्धित पक्षसंग आग्रह गरेको छ । मालपोत कार्यालयका प्रमुख तारानाथ दंगालले विहीबार एक विज्ञप्ति जारी...

गुरु आत्मानन्दको ६७औं जन्मोत्सव सम्पन्न

ज्ञानु केदेम माङसेबुङ । किरात धर्म गुरु मुहिङगुम अङसीमाङ लिङ्देन आत्मानन्द सेइङको ६७ औं शुभजन्मोत्सव तथा मुहिङगुम अङसीमामाङ साँबा पवित्रहाङमा लिङ्देन नोमाङगेन्ना सेवा समारोहमा समुद्घाटन सम्पन्न भएको छ । जन्मोत्सव समारोहलाई सम्बोधन गर्दै, प्रमुख अतिथि पूर्व...