बेलालयत(यूके) । संघीय लोकतान्त्रिक राष्ट्रिय मञ्च अन्तर्गत प्रवास संगठन संघीय लिम्बुवान सामाजिक मञ्च, प्रवास समिति यूकेको तेस्रो महाविधेशनले पुनः टंक खापुङलाई अध्यक्षमा निर्वाचित गरेको छ । शनिबार ९ अक्टोवरका दिन सम्पन्न तेस्रो महाधिवेशनले अध्यक्षमा खापुङलाई नै जिम्मेवारी जिएको हो ।

बेलायतको फेल्टाम कम्यूनिटी कलेजमा भएको महाधिवेशनले उपाध्यक्षहरुमा रुपमान कुरुम्बाङ, कुलद्विप राई, नरबहादुर कुरुम्बाङ, कृष्णप्रसाद लिङ्देन, हर्कजङ् कुरुम्बाङ, तेज लावती र कृष्णकुमार कुरुम्बाङ्लाई निर्वाचित गरेको छ । त्यसैगरी महासचिवमा राम इजम, उपमहासचिवमा लाल लिङ्देन निर्वाचित भएका छन् ।

यसैगरी सचिवहरुमा दिल तुम्बाहाङ्फे, शेरबहादुर इङ्नाम, किशोर तिलिङ् चोङ्बाङ, दल योङ्या र दिपा आङ्बुहाङ निर्वाचित भएका छन् । मञ्चको अर्थसचिवमा तिल तावा र सह–अर्थसचिवमा धनबहादुर माबोले जिम्मेवारी पाएका छन् । त्यसैगरी अन्य सदस्यहरु समेत निर्वाचित भएका छन् भने सबै शाखाहरुबाट मनोनित गरेर समितिलाई पूर्णता दिईने महाधिवेशन स्रोतले जनाएको छ ।

कार्यक्रममा मञ्चका नेता देवी तुम्बाहाम्फे र चुणमणि तुम्बाहाम्फेको उपस्थिति रहेको थियो । अध्यक्ष टंक खापुङ्को सभाध्यक्षतामा भएको कार्यक्रमलाई उपाध्यक्ष शर्मिला यक्सोले स्वागत गरेकि थिइन् भने कार्यक्रम महासचिव राम इजमले संचालन गरेका थिए ।