विशाल राई उपचार सांगीतिक कार्यक्रमको आय–व्यय सार्वजनिक

 लिम्बुवान न्युज
                       

दमक, असाेज २७ ।  गत असोज १० गते दमकमा गरिएको सांगीतिक कार्यक्रमको आय–व्यय सार्वजनिक गरिएको छ ।

शिवसताक्षी ८ का २९ वर्षीय विशाल दुमी राईको उपचार सहयोगार्थ आयोजित मुस्ताङ मनोरञ्जन धमाका कन्सर्टको आम्दानी र खर्च विवरण बिहीबार पत्रकार मञ्च दमकको सभाहलमा पत्रकार भेटघाट गरी सार्वजनिक गरिएको हो ।

सिकलसेल (बोनम्यारो) क्यान्सरबाट पीडित राईको उपचार सहयोगार्थ सुप्रसिद्ध गायक (राईइज किंग) राजेशपायल राईसहित चर्चित गायक एकदेव लिम्बूले प्रस्तुति दिएका थिए ।

दमक ९ स्थित सरस्वती माविको प्राङ्गणमा भएको कन्सर्टमा सुनिला लिम्बू, ममता गुरुङ र निमा तामाङले गायकद्वयले पनि आ–आफ्नो प्रस्तुति दिएका थिए ।

कदम थिएटरको मूल संयोजन रहेको कार्यक्रममा विशाल राई बचाउ अभियान, थैली इन्टरटेनमेन्टले आयोजना गरेका थिए भने सिल्भर इन्टरटेनमेन्टले इभेन्ट मेनेजमेन्टको जिम्मा लिएको थियो ।

काठमाडौंस्थित सिभिल अस्पतालमा उपचाररत विशालको उपचारका लागि ३५ लाख बढी खर्च लाग्ने उनका दाजु धिरज राईले जानकारी दिए ।

अभियानका संयोजक बलु राईका अनुसार हालसम्म विशालको उपचारमा करिब १५ लाख खर्च भैसकेको छ ।

कन्सर्टमा सर्वसाधारणका लागि टिकटदर ३ सय तोकिएको थियो भने विद्यार्थीका लागि २ सय कायम गरिएको थियो ।

टिकट बिक्रीबाट ३ लाख ५० हजारसहित अन्य दाताहरुबाट गरी ७ लाख ६८ हजार आम्दानी भएको अभियान संयोजक राईले बताए ।

त्यस्तै कलाकार पारिश्रमिक, स्टेज निर्माणलगायत अन्य खर्च गरी ४ लाख ६६ हजार ६ सय खर्च हुन गएको र ३ लाख १ हजार ४ सय बचत हुन पुगेको हो । पत्रकार भेटघाटमा खर्चको आय–व्यय विवरण लिखित रूपमा प्रस्तुत गरिएको थियो ।

कन्सर्टलाई मुस्ताङ बियरले मुख्य प्रयोजन गरेको थियो भने सहयोगीहरुमा गुरू टोली, बुलेट साउन्ड सिस्टम, इन्स्पायर इङ्लिस स्कूल, ग्यारेज क्याफे, विचित्र डिजाइन एण्ड सेन्स, ह्वाइट पेपर, भिजुअल आर्टलगायत थिए ।

वाईवाई प्यारोसँगको सहकार्य आयोजना गरिएको कन्सर्टको प्रोमोटर डिभाइन वाइन रहेको थियो । हस्पिटालिटी पार्टनहरुमा होटल स्वर्गलोक, होटल कामाक्षामा रहेका थिए ।

सम्बन्धित समाचार

सात दलले पायो राष्ट्रिय मान्यताः निर्वाचन आयोग

काठमाडौं, १६ मंसिर । निर्वाचन आयोगका अनुसार हालसम्म सात वटा राजनीतिक दलहरुले राष्ट्रिय पार्टीको मान्यता पाएको छ । निर्वाचन आयोगका समानुपातिकतर्फका प्रवक्ता गुरुप्रसाद वाग्लेले शुक्रबार अपराह्नसम्मको समानुपातिकतर्फको मतपरिणाम अनुसार नेकपा एमाले, नेपाली कांग्रेस, नेकपा माओवादी...

दोलखाका १० मतदान केन्द्रमा मतदान सुरु

काठमाडाैं । विवादका कारण रोकिएको दोलखा जिल्लाका १० वटा मतदान केन्द्रमा आज पुनः मतदान भइरहेको छ । मुख्य निर्वाचन अधिकृतको कार्यालय दोलखाका सूचना अधिकारी शिवकुमार पोखरेलका अनुसार बिहान ७ बजेदेखि मतदान शुरू भएकाे जनाएका छन्...

लिम्बू कथानक चलचित्र ‘लोजिमा’को छायांकन सम्पन्न

दमक, लिम्बुवानखबर, १४ मंसिर । निर्देशक सागर सुब्बाको कथा निर्देशन रहेको लिम्बू कथानक चलचित्र ‘लोजिमा’को छायांकन सम्पन्न भएको छ । गत कात्तिक ३ गतेबाट सुरु भएको चलचित्र ‘लोजिमा’को छायांकन भारत सिक्किमको सोमबारे, दाराम्देन, थर्पु, छायाँताल, राभालाङ,...

एडिबीको सहायतामा रतुवा खाेलामा तटबन्धन

दमक/ दमक ७ स्थित नेपाल रेडक्रस सोसाइटी उपशाखा दमकको भवन छेउ हुँदै उत्तर तर्फ रतुवा खोलाको कटानग्रस्त क्षेत्रमा कटान न्यूनिकरणका लागि एशियाली बिकास बैंकको ऋण सहायतामा तटबन्धन बन्ने भएकाे छ । लाेकमार्गबाट उत्तर तर्फ रतुवा...