झापा महिला गोल्डकप फुटबलको दोस्रो संस्करण मंसिर ५ देखि, विजेताले ११ लाख पाउने

,   लिम्बुवान न्युज
                       

दमक, ९ कार्तिक । झापा महिला गोल्डकप अन्तर्राष्ट्रिय आमन्त्रण फुटबल प्रतियोगिताको दोस्रो संस्करण आगामी मंसिर पहिलो साताबाट आयोजना हुने भएको छ। आयोजक झापा महिला गोल्डकपले आइतबार पत्रकार सम्मेलन गर्दै प्रतियोगिता मंसिर ५ गतेदेखि १२ गतेसम्म झापाको शिवसताक्षीस्थित दुधे रंगशालामा सञ्चालन हुने जानकारी दिएको हो।
३ विभागीयसहित ९ टोलीको सहभागिता, आयोजकले पहिलोपटक आफ्नै टिम उतार्ने
गोल्डकपका अध्यक्ष सन्तोष थोप्राका अनुसार प्रतियोगितामा तीन विभागीय टोलीहरू— सशस्त्र प्रहरीको एपीएफ फुटबल क्लब, नेपाल पुलिस फुटबल क्लब र त्रिभुवन आर्मी फुटबल क्लबको महिला टिम सहभागी हुने निश्चित भइसकेको छ। यसबाहेक तीन विदेशी क्लब र नेपालका दुई शीर्ष डिभिजन क्लब गरी ९ टिमले उपाधिका लागि प्रतिस्पर्धा गर्नेछन्।
यसपटक आयोजकले पहिलोपटक आफ्नै टिम मैदानमा उतार्ने तयारी गरेको छ। कोशी प्रदेशभित्र लुकेर रहेका प्रतिभाहरूलाई समेट्न जिल्ला-जिल्लाबाट खेलाडी छनोट गरी प्रतियोगिता हुनु १५ दिनअघिदेखि नै बन्द प्रशिक्षणमा राखिने अध्यक्ष थोप्राले बताए।
पुरस्कार राशिमा वृद्धि
दोस्रो संस्करणको पुरस्कार राशिमा गत वर्षको तुलनामा वृद्धि गरिएको छ। यस वर्षको विजेताले नगद ११ लाख रुपैयाँ र उपविजेताले ५ लाख ५० हजार रुपैयाँ प्राप्त गर्नेछन्। (पहिलो संस्करणको विजेताले १० लाख १० हजार र उपविजेताले ५ लाख रुपैयाँ पाएका थिए, जसको उपाधि नेपाल पुलिस क्लबले जितेको थियो)।
विधागत पुरस्कारतर्फ:
  • सर्वोत्कृष्ट खेलाडी: नगद १ लाख ५० हजार रुपैयाँ
  • उत्कृष्ट विधा (गोलकिपर, मिडफिल्डर, डिफेन्डर, प्रशिक्षक र उच्च गोलकर्ता): जनही २५ हजार रुपैयाँ
  • प्लेयर अफ द म्याच (प्रत्येक खेल): नगद १५ हजार रुपैयाँ
टिकटको १० रुपैयाँ सामाजिक कार्यमा, सुरक्षाका लागि चीनबाट प्यारापिट ल्याइयो
करिब १ करोड २५ लाख रुपैयाँ अनुमानित बजेट रहेको यस प्रतियोगिताको प्रत्येक टिकट बिक्रीबाट संकलित रकममध्ये १० रुपैयाँ आदिवासी नेत्रहीन संघ र अटिजम भएका बालबालिकाको अध्ययनका लागि सहयोग गरिने आयोजकले जनाएको छ।
पहिलो संस्करणमा दर्शकको अभूतपूर्व उपस्थिति (गेटमनी मात्रै ५८ लाख संकलन) भए पनि खेलाडी सुरक्षामा कमजोरी देखिएको स्वीकार्दै यसपटक आयोजकले विशेष संवेदनशीलता अपनाएको छ। दर्शक व्यवस्थापन र सुरक्षा चुस्त बनाउन चीनबाट ४ हजार क्षमताको आल्मुनियमको प्यारापिट ल्याइएको छ। गत वर्ष ७ हजार क्षमता रहेको रंगशालालाई यसपटक १२ हजार दर्शक क्षमताको बनाइनेछ भने प्रतियोगिताभर ९० हजार दर्शकले प्रत्यक्ष खेल अवलोकन गर्ने अपेक्षा राखिएको छ।

सम्बन्धित समाचार

प्रदेश १ को भाषा विधेयक प्रदेश प्रमुखद्वारा प्रमाणीकरण, सरकारी कामकाजमा भाषासम्बन्धी कानुन कार्यान्वयनको बाटो खुला

विराटनगर, १२ कार्तिक । प्रदेश १ को भाषा विधेयक प्रदेश प्रमुख परशुराम खापुङद्वारा प्रमाणीकरण गरिएको छ। गत असोज २४ गते प्रदेश सभाबाट पारित भएको उक्त भाषा विधेयकलाई प्रदेश प्रमुख खापुङले बुधबार प्रमाणीकरण गर्नुभएको हो। प्रदेश प्रमुख...

दमक–चिसापानी सडक निर्माणका लागि महालक्ष्मी–जय धनन्जय जेभी छनोट

झापा/दमक — लामो समयदेखि पर्खाइमा रहेको दमक–चिसापानी (फाल्गुनन्द मार्ग) सडक निर्माणका लागि नयाँ ठेकेदार कम्पनी छनोट भएको छ। सडक विभागअन्तर्गत संघीय सडक सुपरीवेक्षण तथा अनुगमन कार्यालय, इटहरीको सडक डिभिजन दमकले ठेक्का स्वीकृतिको प्रक्रिया अघि बढाउँदै...

लिम्बू र मैथिली सहित १३ राष्ट्रभाषाले पाए सरकारी कामकाजको मान्यता: भाषा विधेयक सर्वसम्मतिले पारित

विराटनगर, २४ असोज/ प्रदेश १ कोशी प्रदेशमा भाषिक विविधता र न्यायलाई समेट्दै एक ऐतिहासिक कदम चालिएको छ। कोशी प्रदेशसभाबाट ‘सरकारी कामकाजको भाषा सम्बन्धमा व्यवस्था गर्न बनेको विधेयक’ सर्वसम्मतिले पारित भएको छ। यो विधेयक पारित भएसँगै...

नेपाली कांग्रेस दमक नगर समितिको अधिवेशन सम्पन्न, सुनिल राईको नेतृत्वमा नयाँ कार्यसमिति चयन

दमक, २२ असोज । नेपाली कांग्रेस दमक नगर समितिको अधिवेशन आज बिहीबार दमक उद्योग वाणिज्य संघको सभाहलमा भव्य रूपमा सम्पन्न भएको छ। संविधानसभा सदस्य महेन्द्रा कुमारी सुब्बाको प्रमुख आतिथ्यमा सम्पन्न उक्त अधिवेशनमा डा. खगेन्द्र पाण्डे विशिष्ट...

;