दमककी एक महिलासहित झापामा चारको मृत्य, काेराेना संक्रमित २५ सय नाघ्यो

 लिम्बुवान न्युज
दमककी एक महिलासहित झापामा चारको मृत्य, काेराेना संक्रमित २५ सय नाघ्यो

दमक/ दमक ८ स्थायी ठेगाना भई हाल मोरङ बस्दै आएकी ४२ बर्षिया एक महिलाको कोरोना संक्रमणका कारण मृत्यु भएको छ ।
नपाकाे स्वास्थ्य शाखाले जनाए अनुसार मृत्यु हुने ति महिलाको पुरानो स्थायी ठेगाना दमक ८ भएपनि पछिल्लो समय उनी मोरङमा बस्दै आएकी थिइन ।

नोवेल अस्पताल विराटनगरमा गरिएको परिक्षणमा उनलाई कोरोना पोजिटिभ देखिएको र उपचारका क्रममा आज मृत्यु भएको जिल्ला स्वास्थ्य कार्यालय झापालाई उदृत गर्दै नगरपालिकाको स्वास्थ्य शाखाका कुबेर भट्टराईले जानकारी दिए । त्यसैगरी आज विर्तामोड ४ मा कोरोना संक्रमित ४० बर्षिय एक महिला र ८५ बर्षिय एक पुरुषको पनि मृत्यु भएको छ । गएराती शिवसताक्षी ६ की २४ बर्षिया एक युवतीसहित झापाका कोरोना संक्रमित चार जनाको पछिल्लो २४ घण्टामा मृत्यु भएको हो । यससंगै जिल्लामा संक्रमित मृतकको संख्या ६१ पुगेको छ ।

झापामा संक्रमित २५ सय नाघे
यसैबीच पछिल्लो समय झापामा कोरोना संक्रमितको संख्या २ हजार ५ सय नाघेको छ । आज जिल्लामा थपिएका ७५ जनासहित जिल्लाभर कूल संक्रमितको संख्या २ हजार ५ सय ९ पुगेको स्वास्थ्य कार्यालय झापाले जनाएको छ । दमकमा आज शनिबार मात्रै थप २७ जनामा कोरोना संक्रमण पुष्टि भएको छ ।बिभिन्न ल्याबमा गरिएको पीसीआर परिक्षणमा ६ महिला सहित २१ जना पुरुषमा संक्रमण पुष्टि भएको हो ।

दमकमा २७, गौरादहमा १ जना, बिर्तामोड १४ जना, शिवसताक्षीमा २ जना, बुद्धशान्तीमा २ जना, अर्जुनधारा र बाह्रदशीमा १/१ जना, कन्काईमा ५ जना, भद्रपुरमा १३ जना, मेचीमा ३ जना र कमल गाउँपालिकामा ६ जनामा संक्रमण देखिएको स्वास्थ्य कार्यालय झापाले जनाएको छ ।

सम्बन्धित समाचार

प्रधानमन्त्रीबाट चाइना नेपाल फ्रेण्डसीप इन्डस्ट्रियल पार्कको शिलान्यास

कमल। प्रधानमन्त्री केपी शर्मा ओलीले आफ्नो निर्वाचन क्षेत्र झापाको चाइना नेपाल फ्रेण्डसीप इन्डस्ट्रियल पार्कको शिलान्यास गरेका छन् । त्यसैगरी आजै झापाको कमल २ स्थित कमल खोलामा निर्माण गरिएको पक्की पुलको उद्घाटन गरेका छन् । आजै...

इलाममा प्रेस युनियन र प्रेस नेपाल बिच कार्यगत एकता

इलाम। नेपाल पत्रकार महासंघ इलाम शाखाको आगामी चैत्र पहिलो साता हुने नयाँ नेतृत्व चयनको निर्वाचनमा नेपाल प्रेस युनियन र प्रेस नेपालले कार्यगत एकता गर्ने भएका छन् । शनिबार दुई संगठनले कार्यगत एकता गर्ने भन्दै ३...

अनलाइनखबरको प्रधानसम्पादकमा शिव गाउँले नियुक्त, सम्पादक बरालको विदाई

काठमाडौं । नेपालको नम्बर वान अनलाइनखबरको प्रधान सम्पादकमा शिव गाउँले नियुक्त भएका छन् । नम्बर वान अनलाइन न्यूज पोर्टल संचालक अनलाइनखबर नेपाल प्रा.लिको सञ्चालक समिति बैठकले गाउँलेलाई प्रधान सम्पादकमा नियुक्त गर्ने निर्णय गरेको हो ।...

अन्तराष्ट्रिय याक्थुङ अनलाइन गजल प्रतियोगिताका विजयीहरुलाई पुरस्कार वितरण

दमक। याक्थुङ साहित्य गजल समूहले आयोजना गरेको अन्तर्राष्ट्रिय याक्थुङ अनलाइन गजल प्रतियोगिताका विजेताहरुलाई पुरस्कार वितरण गरिएको छ । आज झापाको दमकमा आयोजित कार्यक्रममा विजेताहरुलाई नगद तथा प्रमाणपत्रले सम्मान गरिएको हो । अन्तराष्ट्रिय याक्थुङ अनलाइन गजल...