झापा । झापामा आज कोरोना संक्रमित एक जनाको मृत्यु भएको छ । मृत्यु हुनेमा बुद्धशान्ति गाउँपालिका वडा न. ३ का ६८ वर्षिय देवशंकर लावुङ रहेका छन् ।

उनको आज बिहान ७ बजे बिर्तामोडको बि एण्ड सी हस्पिटलमा उपचारकाे क्रममा मृत्यु भएको हो । उनी कात्तिक १ गते अस्पताल भर्ना भएका थिए । उनको हिजो पिसिआर परीक्षण गर्दा रिपोर्ट पोजेटिभ आएको थियो ।

योसँगै कोरोना संक्रमणबाट मृत्यु हुनेको सँख्या बुद्धशान्तिमा २ जना र सिंगाे झापा जिल्लामा ८६ पुगेको छ ।