मंसिर ९ देखि कक्षा १२ काे परीक्षा शुरू हुँदै, झण्डै १८ हजारले होम सेन्टरबाट परीक्षा नदिने

 लिम्बुवान न्युज
मंसिर ९ देखि कक्षा १२ काे परीक्षा शुरू हुँदै,  झण्डै १८ हजारले होम सेन्टरबाट परीक्षा नदिने

काठमाडौं ।  कोरोना भाइरस (कोभिड–१९) का कारण कक्षा १२ को अन्तिम परीक्षा मंगलबार देखि सम्बन्धित विद्यालयमै सञ्चालन हुँदैछ । 
देशभरिकाे  ४ हजार १ सय पाँचवटा विद्यालयलाई नै परीक्षा केन्द्र तोकिएका छन् ।

तर सबै विद्यार्थीले ‘होम सेन्टर’ भने रोजेका छैनन् । १७ हजार ९०२ विद्यार्थीले फरक जिल्लाका विद्यालयबाट परीक्षा दिन आवेदन दिएको राष्ट्रिय परीक्षा बोर्डले जनाएकाे छ ।

बोर्डले आफू अध्ययन गरेको विद्यालयमा उपस्थित भएर परीक्षा दिन नसक्ने परीक्षार्थीले यसअघि पेश गरेको विवरणको आधारमा परीक्षामा सहभागी हुने व्यवस्था गरेको हाे ।

सरकारले निर्धारण गरेको स्वास्थ्य सुरक्षा मापदण्ड अनुसार परीक्षा सञ्चालन गरिने बोर्डका अध्यक्ष प्रा.डा.चन्द्रप्रसाद पौडेलले जानकारी दिएका छन् । पछि पनि परीक्षा दिने व्यवस्था मिलाइएकाे हुँदा काेराेना संक्रमित परीक्षार्थीलाई मंगलबार सुरु हुने परीक्षामा सहभागी नहुन पौडेलले आग्रह गरेका छन् ।

मंगलबार विहान ८ बजेबाट सुरू हुने परीक्षाका लागि याे बर्ष ४ लाख ३३ हजार १८० विद्यार्थीले आवेदन दिएका छन् । काेराेनाका कारण यस बर्ष परीक्षा बोर्डले ४० पूर्णाङ्कको परीक्षा मात्र लिने यस अघि नै बताइसकेकाे छ ।

सम्बन्धित समाचार

नेपालको राजनीतिले डोर्याएको अग्रगमन ?

भानु भट्टराई नेपालको राजनैतिक यात्रा को गन्तव्य प्रत्येक १०र१० वर्षमा फेरबदल भइरहेको देखिन्छ।नेपाली जनताले उठाएको राजनैतिक मुद्दाको सुरुआत २००७ देखि अनवरत रूपले अगाडि बढिरहेको छ । सात सालको राणा शासन विरुद्धको प्रजातान्त्रिक आन्दोलन देखिनै नेपाली...

नेपाल स्टार टप ५ का प्रतिस्पर्धी लक्ष्मण लिम्बु धरानमा

धरान। सुनसरी चुम्लुङ् हिम धरानमा नेपाल टेलिभिजनबाट प्रसारित वाईवाई नेपाल स्टारको टप ५ मा पर्न सफल लक्ष्मण लिम्बुले आफ्नो प्रस्तुति दिएका छन् । “कला र संस्कृतिलाई सम्बृद्धि बनाऔं, गायक लक्ष्मण लिम्बुलाई जिताऊ” भन्ने नाराका साथ...

लिम्बुवान मञ्च दमकको बनभोज कार्यक्रम सम्पन्न

दमक।संघीय लिम्बुवान मञ्च, नेपाल दमक नगर समितिले बनभोज कार्यक्रम आयोजना गरेको छ । इलाम चुलाचुली ५ को पर्यटकीय क्षेत्र चपेटीमा उक्त कार्यक्रम आयोजना गरिएको हो । लिम्बुवान मञ्च दमक नगरका अध्यक्ष याम लिम्बुले नगर समिति...

पाँचथर महासंघको साधारणसभाबाट ४ जना पत्रकार पुरस्कृत

फिदिम। इगल एफ एम पाँचथरका स्टेसन म्यानेजर उपेन्द्र येक्तेनसहित पाँचथरका ४ जना पत्रकार पुरस्कृत भएका छन् । नेपाल पत्रकार महासंघ पाँचथर शाखाको शुक्रवार बार्षिक साधारणसभा कार्यक्रमबाट पुरस्कृत भएका छन् । काम चलाउ सरकारका भौतिक पुर्वाधार...