दमक। पूर्वकै युवा पुस्ताका व्यस्त निर्देशक किरण चाम्लिङ् राईको निर्देशन रहेको “यसो हेरे पूर्व तिर” गीतको म्यूजिक भिडियो सार्वजनिक भएको छ ।

एकपछि अर्को गर्दै नेपाली गीतहरुको भिडियो ल्याउने क्रममा आज पूर्वेली भाकाको आधुनिक लोक गीतको भिडियो सार्जनिक गरेका छन् । एकपछि अर्को चर्चा बटुल्दै गएका निर्देशक राईको निर्देशन क्षमता निखारिदै गएको छ ।

केन्द्र मोसन पिक्चर्स मार्फत सार्वजनिक गरिएको गीतलाई गायक पदम राईले गाउनु भएको छ । त्यसैगरी उक्त गीतमा चर्चित कलाकारहरु दयाहाङ् राई र एलिसा राईलाई फिचरिङ्ग गरिएको छ । पूर्वी पहाडको हरियाली डाँडाकाँडाहरुमा छाँयाङकन गरिएको उक्त गीतले पूर्वको प्राकृतिक सुन्दरतालाई टपक्कै टिपेको छ भने राई र लिम्बु जातीहरुको मौलिक पहिचान बोकेको शब्द संयोजन गरिएको छ । गीतमा द्वय चर्चित कलाकारहरु दयाहाङ र एलिसाको अत्यन्तै राम्रो अभिनय हेर्न सकिन्छ ।

उक्त गीतको शब्द संगीत शशी गुरुङ् बाङ्देलको रहेको छ भने क्यामारामा ज्ञानेन्द्र शाही त्यसैगरी गीतको सम्पादन भने अनिल रानाको रहेको छ । चर्चित कोरिग्राफर दिनेश माङमूले कलाकारहरुलाई छमछमी नचाएका उक्त गीतको व्यवस्थापन प्रवद्र्धन भने सोनाम लामा र प्रयास बान्तवा राईको रहेछ भने मेकअपमा माही सिंह र मिडिया पर्सनका रुपमा राजु दंगाल रहेका छन् । उक्त गीतलाई ए प्लस स्टुडियोमा रेकर्डिङ गरिएको हो ।

(भिडियाे तल हेर्नेहाेला)