दमक । इलामको माङ्सेबुङमा जारी आत्मानन्द कप फुटबल प्रतियोगितामा तिजोग युवा क्लब, पाँचथर फाइनलमा प्रवेश गरेको छ ।

इलामको माङसेबुङ ५ स्थित प्रस्तावित आत्मानन्द रंगशालमा आज मंगलबार भएको सेमिफाइनल खेलमा एच .एफ .सी सुनसरीलाई १-० गोल अन्तरले पराजित गर्दै तिजोग पाँचथरले फाइनलमा प्रवेश गरेको हो ।

तिजोक क्लबको जितमा रोशन आङ्देम्बेको निर्णयक १ गोलले तिजोक क्लब फाइनलमा पुग्न सफल भयो ।

किरात धर्मगुरु आत्मानन्द सेइङको ६९औं जन्मोत्सवको अवसरमा आयोजित आत्मानन्द कप अन्तरगत भोलि बुधबार छथर गाउँपालिका तेह्रथुम र जलथल फुटबल क्लब झापाबिच  खेल हुने आत्मा पवित्र हक्चात यक्चुमका सचिव सरिता राईले बताईन् ।

विजेताले ट्रफीसहित नगद ३ लाख ११ हजार १ सय ६९ र उपविजेताले ट्रफीसहित २ लाख ५ हजार सय ६९ रपैयाँ पुरस्कार प्राप्त गर्नेछन् । यसका साथै, खेलमा सहभागी टिमलाई फेयर समेत प्रदान गरिने आयोजकले जनाएको छ ।

फुटबलका अतिरिक्त म्याराथन, लठ्ठा तान्ने, हाँडी फुटाउने, पक्लुङ (छेलो हान्ने), धनुकाँड, कराँते लगायतका खेलहरु आयोजना हुनेछ । खेलको फाइनल मंसिर १७ गते हुनेछ ।