दमकमा अन्तर मिडियाकप फुटसल हुँदै

 लिम्बुवान न्युज
                       

दमक, २२ कार्तिक । पत्रकार मञ्च दमक, झापाले दसैं, तिहार, छट पर्वको अवसर पारेर मिडियाकप फुटसल प्रतियोगिता आयोजना गर्ने भएको छ ।

मञ्चको शुक्रबार बसेको बैठकले कार्तिक २३ गते एक दिवसीय मिडियाकप फुटसल–२०८० प्रतियोगिता आयोजना गर्ने भएको हो ।

प्रतियोगितामा झापामा रहेका विभिन्न पत्रकारजन्य संस्था, मिडिया हाउस र इलामको माङसेबुङबाट विभिन्न मिडियाले सहभागिता जनाउने अनुमान गरिएको छ ।

‘सहभागी हुने टिमको यकिन संख्यासहित २२ गते पत्रकार सम्मेलन गरेर टाइसिट सार्वजनिक गर्नेछौं । आमन्त्रणका लागि पत्राचार गरिसकेका छौं’, प्रतियोगिता बारे जानकारी दिँदै मञ्चका अध्यक्ष कमन देवानले भने –‘विभिन्न सहयोगी दाताहरुसँगको सहयोगबाट प्रतियोगिता सम्पन्न गर्नेगरी तयारी थालेका छौं ।’

प्रतियोगिताका विजेताले नगद १५ हजार १५ सहित ट्रफी, मेडल र प्रमाणपत्र र उपविजेताले नगद १० हजार १० सहित ट्रफी, मेडल र प्रमाणपत्र पाउने छन् । तर, टाइटल स्पोन्सरका लागि विभिन्न चरणमा व्यवसायिक घरानाहरुसँग टाइअपको प्रयास भइरहेकोले पुरस्कार राशी बढ्न सक्ने आयोजक संस्थाले जनाएको छ ।

प्रतियोगितामा उत्कृष्ट खेलाडी, गोल किपर र सर्वाधिक गोलकर्तालाई समेत पुरस्कृत गरिने बताइएको छ ।

दमक ५ को बिष्ट फुटसल कोर्टमा आयोजना हुने प्रतियोगिता दीपावली र छठ पर्वको अवसरमा सञ्चारकर्मीहरुबीच आपसी भाइचारा वृद्धिका लागि आयोजना गर्न लागिएको मञ्चकी उपाध्यक्ष गीता ढुङ्गाना बताइन् ।

प्रतियोगिता सम्पन्न गर्न विभिन्न समिति

प्रतियोगिता सम्पन्न गर्न मञ्चका पूर्व अध्यक्ष विष्णु पोखरेलको संयोजकत्वमा तीन सदस्यीय प्रतियोगिता मूल व्यवस्थापन समिति गठन गरेको मञ्चका सचिव उमानाथ भण्डारीले जानकारी दिएका छन् ।

समितिका सदस्यहरुमा मञ्चका निवर्तमान अध्यक्ष मनकुमार गदाल र चिरञ्जीवी घिमिरे सदस्य छन् ।

प्रतियोगिता सफल पार्न कविध्वज राईको संयोजकत्वमा खेल व्यवस्थापन उप–समिति गठन गरिएको छ भने समितिका सदस्यहरुमा क्रमशः सजन राई र उत्तम रिजाल सदस्य छन् ।

त्यस्तै प्रतियोगिता सम्पन्न गर्न चिरञ्जीवी घिमिरेको संयोजकत्वमा तीन सदस्यीय आर्थिक व्यवस्थापन उप–समिति गठन गरिएको छ । समितिका सदस्यहरुमा डिल्लीस्वर मुसाहाङ र सबिना राई छन् ।

सम्बन्धित समाचार

प्रधानमन्त्री केपी ओली सहित नवनियुक्त मन्त्रीहरुले गरे पदभार ग्रहण

दमक, ३१ असार । नवनियुक्त मन्त्रीहरूले पदभार ग्रहण गरेका छन् । शितल निवासमा राष्ट्रपति समक्ष पद तथा गोपनीयताको शपथ लिएसँगै उनीहरूले आ–आफूले पाएका मन्त्रालयको जिम्मेवारी सम्हालेका हुन् । प्रधानमन्त्री केपी शर्मा ओलीले २२ सदस्यीय मन्त्रिपरिषद्...

प्रधानमन्त्री पुष्पकमल दाहाल प्रचण्ड पदमुक्त

ललितपुर, २८ असार । प्रधानमन्त्री पुष्पकमल दाहाल प्रचण्ड पदमुक्त भएका छन् । आज (शुक्रबार) प्रतिनिधिसभाले विश्वासको मत लिने प्रस्ताव बहुमतले अस्वीकृत गरेसँगै प्रधानमन्त्री प्रचण्ड पदमुक्त भएका हुन् । नेकपा एमालेले प्रचण्डलाई दिएको समर्थन फिर्ता लिएपछि...

ब्रविमले ल्याए सिसेक्पा तङनाम (भिडियाे सहित)

दमक, २८ असार । मुन्धुमी गायक ब्रविम सेर्माले आफ्नाे आवाजमा मुन्धुम साम्लो ‘सिसेक्पा तङनाम’ सार्वजनिक गरेका छन् । गितकार नेम खापुङको शव्द तथा लय संकलनमा मुन्धुम साम्लो ‘सिसेक्पा तङनाम’ को भिडियो आफ्नै युट्युव च्यानलबाट सार्वजनिक...

यूकेमा राष्ट्रिय पहिचान परिषद गठन

ललितपुर, २७ असार । बेलाय यूकेमा बसोबास गर्दै लामो समय लिम्बुवान र पहिचानको लागि सहकार्य गर्दै आएका यूकेबासीहरुले राष्ट्रिय पहिचान परिषद प्रवास समिति यूके गठन गरेका छन् । संघीय लोकतान्त्रिक राष्ट्रिय मञ्च र मञ्चको प्रवास...