इटहरी, सुनसरी । ‘ताम्सालिङ प्रदेश निर्माणको लागि एकजुट हौं’ भन्ने मूल नाराको साथ इटहरीमा ताम्सालिङ संयुक्त र्सघर्ष समिति प्रदेश नं. १ गठन भएको छ । नेपाल तामाङ घेदुङका संघीय अध्यक्ष मोहन गोलेको प्रमुख आतिथ्यतामा समिति गठन गरिएको हो ।

चन्द्र गोम्देन तामाङकाे अध्यक्षतामा १४ सदस्यीय प्रदेश नं. १ स्तरीय संयुक्त संघर्ष समिति गठन गरिएको छ । समितिको सदस्य सचिवमा पदम मोक्तान तामाङ र प्रवक्तामा सबीला मोक्तान चयन भएका छन् ।

उक्त भेलाले सदस्यहरुमा हस्त पाख्रिन तामाङ, फूलमाया मोक्तान, सन्देश तामाङ, जसकुमार तामाङ, एम कुमार योञ्जन, मोहन लोप्चन, दुर्गा नेगी र विष्णु गोले तामाङलाई चयन गरिएको आदिवासी जनजाति पत्रकार महासंघ प्रदेश नं. १ का अध्यक्ष सन्तवीर लामाले बताएका छन् । उक्त भेलालमा प्रमुख अतिथि गोलेले ताम्सालिङ संयुक्त संघर्ष समिति गठन गर्नुको औचित्य बारे प्रष्ट पारेका थिए । अध्यक्ष गोलेले भने तामाङ जातिको लागि ‘ताम्सालिङ’ नै राष्ट्रिय मुक्तिको एक मात्र विकल्प हो । सबै यो राष्ट्रिय मुक्ति आन्दोलनमा सहभागी हुन अपिल गर्दछु ।

कार्यक्रममा घेदुङ लगायत विभिन्न संगठनमा आवद्ध व्यक्तिहरुले आ–आफ्ना धारणा राखेका थिए ।