तनहुँ।  तनहुँकाे व्यासनगरपालिकामा नेपाली कांग्रेसका वरिष्ठ नेता रामचन्द्र पौडेललाई अाज प्रहरीले नियन्त्रणमा लिएकाे छ ।

निषेधाज्ञा तोडेको भन्दै वरिष्ठ नेता पौडेललाई नियन्त्रणमा लिइएको तनहुँका एसपी अरुण पौडेलले बताएका छन् ।
बुधबार व्यास नगरपालिका–१ स्थित तालघरे र दुम्सी जोड्ने पुल उद्घाटनको विषयलाई लिएर कांग्रेस र नेकपाकाे भातृसंस्था राष्ट्रिय युवा संघबीच विवाद चर्किएपछि जिल्ला प्रशासन तनहुँले उक्त क्षेत्रमा बुधबार मध्याह्न १२ बजेबाट साँझ ६ बजेसम्मलाई निषेधाज्ञा लगाएको छ ।

निषेधाज्ञा तोड्दै नेता पौडेल अाफ्ना कार्यकर्ताहरूसँग पुल उद्घाटनमा जान खोजेपछि नियन्त्रणमा लिएको तनहुँ प्रहरीले जनाएको छ ।

निषेधाज्ञा जारी गरेपछि प्रहरी र युवा नेताहरुबीच केही बेर झडप भएको थियो । स्थितिलाई नियन्त्रणमा लिन प्रहरीले अश्रु ग्यास समेत प्रहार गरेको थियो । नेपाली कांग्रेसले प्रहरी प्रशासन नेकपाकाे इशासामा चल्ने भएकाे भन्दै विराेध जनाएकाे छ ।