मोरङ। मोरङको सुनवर्सी नगरपालिका–२ अमरदह बजारको पारस किराना पसलमा आगलागी हुँदा करिब १ करोड ५० लाख मुल्य बराबरको धन क्षति भएको छ ।

आज बिहान राती २ बजे पारस साहद्वारा संचालन उक्त किराना पसल, पसल रहेको घर र पछाडी रहेको अर्को घर समेतमा अचानक आगलागी हुँदा घर भित्र रहेको नगद २० लाख, सुन चाँदी, लत्ता कपडा, किराना पसलको समान समेत जलेर नष्ट भएको प्रहरीेले जनाएको छ ।

जिल्ला प्रहरी कार्यालय मोरङका अनुसार बिराटनगर महानगरपालिका, रङगेली, सुन्दरहरैचा, पथरी, बेलवारी, दमक नगरपालिका तथा कानेपोखरी गाउँपालिकाको दमकलको मद्दतका साथै नेपाल प्रहरी, सशस्त्र प्रहरी र स्थानीयवासीको सहयोगमा बिहान ९ बजे आगो नियन्त्रणमा आएको जनाएको छ ।