याक्खा छुम्मा झापाको अध्यक्षमा मच्छिन्द्र

 लिम्बुवान न्युज
                       

दमक। मच्छिन्द्र कुमार याक्खालाई सर्वसम्मत अध्यक्षमा चयन गर्दै किरात याक्खा छुम्मा झापाको चौंथो जिल्ला अधिवेशन बुधबार दमकमा सम्पन्न भएको छ ।
यहाँ स्थित किरात भवन रायाली सेवा संघको सभाहलमा सम्पन्न अधिवेशनले याक्खाको अध्यक्षतामा ९ सदस्यीय जिल्ला समिति चयन गरेको हो ।

निर्वाचन समितिका संयोजक कमन देवानले दिएको जानकारी अनुसार समितिका उपाध्यक्ष, सचिव, सहसचिव र कोषाध्यक्षमा क्रमशः टेकबहादुर देवान, टिकाराज देवान, राजेश देवान र विष्णु थायुम चयन भएका छन् । त्यस्तै सदस्यहरुमा क्रमशः टंक लुम्बा, परिना देवान, भद्रिका जिमी सोम्याङ र रामकुमार याक्खा छन् ।

अधिवेशन उद्घाटनशत्रमा बोल्दै छुम्माका केन्द्रीय उपाध्यक्ष लहरु जिमीले याक्खा पहिचानलाई संस्थागत गर्न आपसी एकतालाई जोड दिएर लाग्नुपर्ने बताइन् । उनले भनिन् –“राष्ट्रिय जनगणना आउँदैछ, हामीले जनगणनामा आफ्नो जाती, मातृभाषा, संस्कृति र धर्मलाई ध्यान दिनुपर्छ ।”

छुम्माका केन्द्रीय सदस्य कमन देवानले याक्खा पहिचान सुनिश्चितताको लागि याक्खालेन स्वायत्त भूमि प्राप्तिको राजनीतिक मुद्दालाई प्राथमिकतामा राख्नुपर्ने जिकिर गरे ।

किरात राई यायोक्खाका केन्द्रीय सदस्य इन्द्रमान चाम्लिङले बाहुन मगन्ते जात भएकोले बाहुनले राज्य कब्जा गरेपछि अरुलाई अधिकार दिन नचाहेको आरोप लगाए । त्यस्तै किरात याक्थुङ चुम्लुङका केन्द्रीय सदस्य बिष्णुमाया चेम्जोङले युद्ध नायक काङसोरे समेत याक्खाकै दरसन्तान हुन् भन्दै याक्खा जातिले आफ्नो वीरतापूर्ण इतिहासलाई भूल्न नहुने सुझाव दिइन् ।

कार्यक्रम छुम्मा झापाका कार्यबाहक अध्यक्ष टेकबहादुर देवानको अध्यक्षतामा सम्पन्न भएको थियो ।

सम्बन्धित समाचार

विर्तामाेडमा प्रतिबन्धित औषधीसहित एकजना पक्राउ

दमक, २ साउन । झापाको बिर्तामोड नगरपालिका-५ स्थित एक औषधी पसलबाट ठुलो परिमाणमा भण्डारण गरी राखेको प्रतिवन्धित औषधी सहित अर्जुनधारा नगरपालिका ६ का २५ बर्षीय बिनोद घिमिरेलाई प्रहरीले नियन्त्रणमा लिएकाे छ । बिर्तामोड-५ स्थित  मनकुमार...

प्रथम ध्रुवतारा फूटसल प्रतियाेगिता हुँदै

दमक, २ साउन । झापाको दमकमा प्रथम ध्रुवतारा फुटसल प्रतियोगिता-२०८२ हुने भएको छ । आजबाट हुने साे प्रतियाेगिता भाेली  ३ गते सम्म संचालन हुनेछ ।  दुई दिनसम्म हुने साे प्रतियोगिता दमक ५ गोर्खाली टोलमा रहेको विष्ट फुटसलको कोर्टमा सञ्चालन हुने आयाेजकले जनाएकाे छ । ध्रुवतारा स्पोर्टिङ क्लब दमकको आयोजनामा हुने साे प्रतियोगितामा सहभागी टिमले  इन्ट्रि फि ६ हजार रुपैयाँ रहेको खेल संयोजक सन्दिप तामाङले बताए । उनका अनुसार यस प्रतियोगितामा प्रतिस्पर्धी टिमले ए डिभिजन खेलाडीहरु एक जना मात्र सहभागी गराउन सक्ने नियम रहेको छ । प्रतियोगिताको विजेताले नगद ७० हजार रुपैयाँ सहित ट्रफि र मेडल हात पार्ने छ भने उपविजेता टिमले नगद ३५ हजार रुपैयाँ सहित ट्रफि र  मेडलमा चित्त बुझाउनु पर्ने छ ।

प्रदेश नं. १ नामकरण बहसले लियो नयाँ मोड– अशाेक चेम्जाेङ्

दमक, ३२ असार । प्रदेश नं. १ को नाम कोशी नामाकरणसँगै प्रदेशका पहिचान पक्षधरहरु एकजुट भएर नाम खारेजी आन्दोलनमा लडेकाहरु यतिवेला नामको विषयमा पुनः आरोप प्रत्यारोपमा उत्रिएका छन् । सामाजिक संजालमा पहिचानवादी एकता अभियानको एक...

सरकारले प्रतिनिधिसभामा दुइतिहाइ गुमायाेः राष्ट्रिय सभामा अल्पमत

ललितपुर, ३२ असार ।  जनता समाजवादी पार्टी, नेपाल (जसपा)ले सरकारलाइ दिएकाे समर्थन फिर्ता लिएकाे जनाएकाे छ । सत्ता साझेदार दल जसपा, नेपालले भूमि विधेयकको अन्तर्वस्तुप्रति असहमति जनाउँदै बुधबार बसेको संसदीय दल बैठकले सरकारलाइ दिएकाे समर्थन फिर्ता ...