मिक्सेन मिभक

मिक्लाजुङ्, ११ पौष । मोरङको मिक्लाजुङ गाउँपालिका अन्तर्गत पर्ने लावाखोला खानेपानी योजनाको मुहान अनुगन भएको छ । गतबर्षको कार्तिक महिनाको बाढिले क्षतिग्रस्त बनाएको मुहानको उपभोक्ता समितिले अनुगमन गरेको हो ।

साबिक टाँडी गाबिसको वार्ड न. १ देखि ९ सम्मको उपभोक्ताहरुलाई खानेपानी सहज हुनेगरी शुरु गरिएको उत्त योजना पूरा हुन नपाउँदै पाईपलाई बाडीले क्षतिग्रस्त बनाएको हो । बाढीले लाखौंको क्षति पु¥याएको जनाइएको छ ।

किसान चौक, टाँडी रमिते निर्माणाधीन सडकखण्ड अन्तर्गत पर्ने ९५० मिटर सडक निर्माणको क्रममै क्षति पुर्याएको हो । पटक–पटक सम्बन्धित निकायलाई यस पाईपलाईनको क्षतिपूर्तिको माग गर्दा समेत अटेर गरेको लावाखोला खानेपानी उपभोक्ता समितिका अध्यक्ष भगिरथ अर्यालले बताएका छन् ।

क्षतिग्रस्त पाईपलाईन, मुहानको पुनः मर्मतसम्भारलाई बिशेष जोडदिदै आईतवार गरिएको समितिको स्थलगत अनुगमनमा स्थानीय जनप्रतिनिधिहरुले असहयोग गरेको प्रति समितिले ध्यानाकर्षण जनाएको छ । समितिले योजनालाई द्रुतगतिमा अघि बडाउन आपसी छलफल गरी समितिलाई चलायमान बनाउन आगामी पौष १३ गते मंगलबार बृहत् बैठक आव्हान गरिएको लावाखोला खानेपानी उपभोक्ता अध्यक्ष अर्यालले बताएका छन् ।