t
तस्वीरः गाेल नेपाल डटकमबाट साभार
दमक, १२ पुष । दमक ३ बेलडाँगीमा जारी प्रथम आमन्त्रित जय हुमागाई स्मृति गोल्डकप फूटबल प्रतियोगिताको फाइनलमा भिड्ने भएका छन् । भोलि बुधबार दिउँसो १ बजे देखि फाइनल खेल शुरु हुने आयोजकले जनाएको छ ।
बिवाईएससी मिन्नेसोटा अमेरिकाले सेमिफाइनलमा शान्तिनगर फूटबल क्लब सुनसरीलाई ५–० को फराकिलो गोल अन्तरले पाखा लगाउँदै फाइनल प्रवेश गरेको हो ।
फराकिलो जित दर्ज गर्न बिवाइएससीका जर्सी नम्बर ३० रेनेसन्तिल्लनले पहिलो हाफमै २ गोल गरेका थिए । उनी खेलको मेन अफ दी म्याच बने ।
त्यस्तै खेलको दोस्रो हाफमा जर्सी नम्बर ३० सुदिप तामाङ, जर्सी नम्बर ७ हेक्टर ओर्टेगार र जर्सी नम्बर १५ का अनुज भट्टराईले क्रमशः १/१ गोल थपेका थिए ।
यसैगरी सह्लेश युवा क्लब सिरहाले पहिलो सेमीफाइनलमा एभनिर फुटबल क्लब क्यामरुनलाई पराजित गरि फाइनलमा पुगेको थियो ।
प्रतियोगिताका विजेताले नगद ५ लाखसहित ट्रफी, मेडल र प्रमाण पत्र प्राप्त गर्ने छन् भने उपविजेताले नगद ३ लाखसहित पुरस्कार प्राप्त गर्ने छन् ।
यसरी नै उत्कृष्ट खेलाडी, अधिक गोलकर्ता र उत्कृष्ट गोल किपरले समान २५ हजारकादरले पुरस्कार प्राप्त गर्ने आयोजकले जनाएको छ ।
पुष ६ गतेबाट सुरु प्रतियोगितामा देश तथा विदेशका गरी ८ टीम सहभागी थिए ।
Related