पाँचथर, २३ चैत । संघीय लोकतान्त्रिक राष्ट्रिय मञ्चका अध्यक्ष कुमार लिङदेन मिराक कुम्मायक–२ माङ्जाबुङ पुगेका छन् । आज सेर्मा संजुम्भोको महासम्मेलनमा जाने क्रममा संघीय लिम्बुवान प्रान्तीय मञ्च, नेपाल पान्थरका नेताहरुसँग भेटघाट समेत उनले गरेका हुन् ।

सो क्रममा कुम्मायुक वडा नं. २ मा अध्यक्ष लिङदेनको उपस्थितिमा लिम्बुवान मञ्चको वडा समिति गठन भएको छ । देवीचन्द्र सेर्माको अध्यक्षतमा ११ सदस्यीय कार्य समिति गठन भएको हो ।

त्यसैगरी समितिको उपाध्यक्षमा इन्द्र ब.सेर्मा र कमला सेर्मा त्यसैगरी सचीवमा बेग ब. सेर्मा, अर्थसचिवमा सङ्सेस सेर्मा चयन भएका छन् भने सदस्यमा लक्ष्मण सेर्मा, दिवाकर सेर्मा, धोजहाङ सेर्मा, सचिन सेर्मा, सन्दिप सेर्मा र जापान सेर्मा चयन भएका छन् ।

कार्यक्रममा मञ्चका संघीय अर्थसचिव सुर्य आङबुहाङ, प्रान्तीय उपमहासचिव धनराज सुब्बा, लिम्बुवान भोलेन्टियर्स उपकमाण्डर लाजेसा सेर्मा र जिल्ला अध्यक्ष चन्द्रराज आङ्देम्बे, जिल्ला बरिष्ठ उपाध्यक्ष जितेन चेम्जोङ लगायत नेताहरुको उपस्थिति रहेको थियो ।

इटहरी २ अध्यक्षमा हर्कजंग लिम्बु निर्वाचित

यसैगरी आज सुनसरी इटहरी वडा नं. २ को अध्यक्ष हर्कजंग लिम्बु निर्वाचित भएका छन् । इटहरीमा जिल्ला उपाध्यक्ष मनोहर थलङको प्रमुख आतिथ्यतामा आयोजित कार्यक्रमले अध्यक्षमा लिम्बुलाई चयन गरेको हो ।
यसरी नै समितिको उपाध्यक्षमा सुरेन लिम्बु, सचिवमा गणेश लिम्बु, सहसचिवमा देव लिम्बु र अर्थसचिवमा अमृता लिम्बु चयन भएका छन् । त्यसैगरी सदस्यहरुमा एल.बी. लिम्बु, निर्मल लिम्बु, तेजबहादुर लिम्बु, सुमित्रा लिम्बु, दिपेन लिम्बु, पवित्रा लिम्बु, भिमा लिम्बु र उषा लिम्बु चयन भएका छन् ।

वडा कमिटी गठन कार्यक्रममा मञ्चका जिल्ला महिला उपाध्यक्ष सरिता राई अधिकारी, इटहरी उपमहानगरका उपाध्यक्ष सनवीर लिम्बु, जिल्ला नेताहरु विवेक लिम्बु, सुमित्रा लिम्बु लगायत नेताहरुको सहभागिता रहेको थियो ।