दमक, २३ जेठ । संघीय लिम्बुवान प्रान्तीय मञ्चले शुक्रबार दममा एक कार्यक्रम गर्दै स्थानीय तह निर्वाचनमा उम्मेदवार बनेका नेताहरुलाई सम्मान गरेको छ । दमक ५ स्थित मारवाडी सेवा समितिको सभाहलमा आयोजित कार्यक्रममा उनीहरुलाई मञ्चले सम्मान गरेको हो ।

संघीय लोकतान्त्रिक राष्ट्रिय मञ्चका संघीय अध्यक्ष कुमार लिङ्देन मिराकको प्रमुख आतिथ्यतामा आयोजित कार्यक्रममा नौ जिल्लाबाट उम्मेदवारी दिएका उम्मेदवारहरु सहभागी भएका थिए । समीक्षा कार्यक्रम समेत आयोजना गरिएको उक्त कार्यक्रममा बोल्दै प्रमुख अतिथि लिङदेनले पार्टीलाई संस्थागत गर्नलाई दिलो ज्यान दिएर चुनावमा सहभागी हुनुभएका सबै नेताहरुलाई आभार प्रकट गरेका छन् । उनले सम्मानित नेताहरुलाई पार्टीको तर्फबाट प्रमाणपत्र समेत वितरण गरेका थिए ।

मञ्चबाट ५५९ जनाले उम्मेदवारी दिएकाे थियाे साेमध्येबाट २ जना वडाध्यक्ष, २ जना कार्यपालिका सदस्य सहित १८ जना निर्वाचित भएका छन् ।

सम्मान तथा समीक्षा कार्यक्रममा मञ्चका बरिष्ठ उपाध्यक्ष ज्ञानबहादुर गुरुङ, उपाध्यक्ष तथा १ नं. प्रदेशका माननीय सामाजिक राज्य मन्त्री बिष्णु तुम्बाहाम्फे, एबी पंधाक, विष्णु यक्सो, महासचिव अशोक चेम्जोङ लगायत लिम्बुवान प्रान्तका पदाधिकारी साथै अन्य नेताहरुको समेत उपस्थिति रहेको थियो ।

कार्यक्रम प्रदेश १ समन्य समिति संयोजक तथा निर्वाचन परिचालन समिति ज्ञानबहादुर गुरुङको अध्यक्षता, प्रान्तीय उपाध्यक्ष तथा परिचालन समितिका सदस्य थाङसाङ लावतीको स्वागत मन्तव्य रहेको थियो भने संचालन प्रान्तीय महासचिव दिलकुमार लावतीको गरेका थिए ।