दमक, लिम्बुवानखबर । दमक नगरपालिकामा रहेका सरकारी कार्यालयका प्रमुखहरुसंग नगरमा सेवा प्रवाहलाई सहज बनाउने बिषयमा छलफल भएको छ । ईलाका प्रशासन कार्यालय, बिद्युत प्राधिकरण, सडब डिभिजन कार्यालय, मालपोत कार्यालय, नापी कार्यालयका प्रमुख तथा प्रतिनिधिहरुसंग ति कार्यालयहरुले प्रबाह गर्ने सेवालाई प्रभाबकारी बनाउने बिषयमा नगर प्रमुख र उप प्रमुखले छलफल गर्नु भएको हो ।
नगर प्रमुख राम थापाको अध्यक्षतामा दमक नगरापालिकामा भएको छलफलमा नगर उप प्रमुख रेगिना भट्टराईले नगरबासीका गुनासाहरु र कार्यालयहरुले सुधार गर्नु पर्ने कुराहरुका बारेमा चर्चा गर्नु भएको थियो ।
वहाँले नागरिकता, पासपोर्ट लिँदा हुने कानुनी प्रक्रियालाई अझ चुस्त बनाउनु पर्ने, बैदेशिक रोजगारीमा जानेहरुलाई सुरक्षित आप्रबासनका बारेमा सचेतना प्रदान गर्नु पर्ने, मालपोत र नापीमा हुने प्रक्रियालाई चुस्त बनाउनु पर्ने, बिद्युतका पोलहरु कतिपय ठाउँमा बाँस गाडेर समेत घर सम्म लैजानु पर्ने अवस्थालाई हटाउनु पर्ने, सडकका खाल्डा खुल्डीहरु पुर्नुपर्ने जस्ता कुराहरुमा बिभागिय कार्यालय प्रमुख तथा प्रतिनिधिहरुलाई जानकारी गराउनु भएको थियो ।
छलफलमा सहभागी कार्यलय प्रमुखहरुले पहिलो पटक स्थानिय तह प्रमुख, उपप्रमुखसंग बसेर सेवा प्रबाहका बिषयमा छलफल भएको भन्दै आगामी दिनमा कार्यालयबाट हुने सेवालाई चुस्त र सहज बनाउने प्रतिबद्धता जनाएका थिए ।
कार्यक्रममा ईलाका प्रशासन कार्यालय दमकका प्रमुख उमेश पाण्डेले सुरक्षित आप्रबासनका लागी काम गर्ने र मतदाता नामावली सार्न चाहनेहरुका लागी पनि दमकबाटै सेवा दिनको लागी पहल गर्ने बताउनु भयो ।
ईलाका प्रहरी कार्यालय दमकका प्रमुख प्रहरी नायव उपरिक्षक दिलिप गिरीले शान्ति सुरक्षालाई अझ प्रभाबकारी बनाउने बताउनु भयो भने सडक बिभागका प्रतिनिधिले सडकमा देखिएका खाल्डा खुल्डीलाई तत्काल मर्मत गर्ने प्रतिबद्धता जनाउनु भएको थियो ।
त्यस्तै बिद्युल प्राधिकरण दमक वितरण केन्द्रका प्रमुखले मेनलाईनबाट घर सम्म लैजान बाँसका पोल बनाएका ठाउँमा तत्कालै पोल उपलब्ध गराउने बताउनु भयो ।
दमक नगरका मेयर थापाले सबै कार्यालयका प्रमुखहरुलाई धन्यवाद व्यक्त गर्दै यसरी नै थप कार्यक्रमहरु गर्दै अघि बढ्न र दमक नगरलाई समृद्ध बनाउन सहयोगको अपेक्षा राखेका थिए ।
त्यसैगरी नगरपालीकाका प्रमुख कार्यकारी अधिक्रित शशि राईले काम गर्ने क्रममा देखिएका समस्या समाधानका लागी समय समयमा यसै गरी सामुहिक छलफल गरी सहज बतावरण बनाउने भन्दै नगरबासीलाई सहज सेवा प्रबाह गर्नुनै आफुहरुको पहिलो दायित्व भएको बताउनु भयो ।
बसन्त राज सुब्बा कमल, झापा / कमलस्थित केर्खा बजारमा याक्थुङ/लिम्बु जातिको मौलिक चार्ड सिसेक्पा तङनाम कार्यक्रम भव्यरूपमा सम्पन्न भएकाे छ । साउन २ गते याक्थुङ /लिम्बु जातिको मौलिक चार्ड " सिसेक्पा तङनाम" साउने संक्रान्ती २०८२...
दमक, ३ असार । ताप्लेजुङ जिल्ला फक्ताङलुङस्थित लिङखिममा निर्माणाधीन अप्पर तमोर जलविद्युत आयोजना निर्माण स्थलमा स्थानीयले विरोध गर्दै प्रदर्शन गरेका छन् । शुक्रवार प्रभावित क्षेत्रका बासिन्दाले उक्त आयोजनाको काम रोक्नुपर्ने माग गर्दैे प्रदर्शन गरेका हुन्...
दमक, २ साउन । झापाको बिर्तामोड नगरपालिका-५ स्थित एक औषधी पसलबाट ठुलो परिमाणमा भण्डारण गरी राखेको प्रतिवन्धित औषधी सहित अर्जुनधारा नगरपालिका ६ का २५ बर्षीय बिनोद घिमिरेलाई प्रहरीले नियन्त्रणमा लिएकाे छ । बिर्तामोड-५ स्थित मनकुमार...
दमक, २ साउन । झापाको दमकमा प्रथम ध्रुवतारा फुटसल प्रतियोगिता-२०८२ हुने भएको छ । आजबाट हुने साे प्रतियाेगिता भाेली ३ गते सम्म संचालन हुनेछ । दुई दिनसम्म हुने साे प्रतियोगिता दमक ५ गोर्खाली टोलमा रहेको विष्ट फुटसलको कोर्टमा सञ्चालन हुने आयाेजकले जनाएकाे छ । ध्रुवतारा स्पोर्टिङ क्लब दमकको आयोजनामा हुने साे प्रतियोगितामा सहभागी टिमले इन्ट्रि फि ६ हजार रुपैयाँ रहेको खेल संयोजक सन्दिप तामाङले बताए । उनका अनुसार यस प्रतियोगितामा प्रतिस्पर्धी टिमले ए डिभिजन खेलाडीहरु एक जना मात्र सहभागी गराउन सक्ने नियम रहेको छ । प्रतियोगिताको विजेताले नगद ७० हजार रुपैयाँ सहित ट्रफि र मेडल हात पार्ने छ भने उपविजेता टिमले नगद ३५ हजार रुपैयाँ सहित ट्रफि र मेडलमा चित्त बुझाउनु पर्ने छ ।
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७