पथरी, १५ साउन । संघीय लिम्बुवान प्रान्तीय मञ्च, नेपाल मातहतको लिम्बुवान भोलेन्टियर्सले मोरङमा कमाण्ड गठन गरेको छ । मोरङको पथरीस्थित सिरिजंगा धार्मिक बनको परिसरमा शनिबार बाङगाई कमाण्ड अन्तर्गत पथरी फिल्ड कमाण्ड गठन गरेको हो ।

मञ्चका प्रान्तीय उपाध्यक्ष तथा एल.भी.का केन्द्रीय कमाण्डर थाङसाङ लावतीको प्रमुख आतिथ्यतामा आयोजित उक्त कमाण्ड गठन कार्यक्रमबाट चन्द्र लिम्बु र तारा गुरुङलाई फिल्ड कमाण्डरको जिम्मेवारी दिइएको छ ।

त्यसैगरी १० जना प्राइमरी कमाण्डरहरुमा जच्च लिम्बु, अशिस महतो, नरेश राई, जीतेन राई, श्रुवहाङ राई, शन्दिप राई, धन बहादुर लिम्बु, विक्रम ठकुरी र पवन तामाङले जिम्मेवारी पाएका छन् ।

यसैगरी सेल कमाण्डरहरुमा सोनाम तामाङ, निशान माझी, विनोद मगर, वृखहाङ राई, रेशम राई, सुमन तामाङ र इन्सान धिमाललाई नियुक्त गरिएको एल.भी. केन्द्रीय सहकमाण्डर तथा प्रशिक्षण विभाग प्रमुख प्रान्तीय सचिवालय सदस्य गणेश मिभकले बताए ।

कार्यक्रम मञ्चका संघीय सदस्य शशी लिम्बु, एल.भी. उपकमाण्डर राजु लिम्बु, मेण्डल लिम्बु, मञ्चका माेरङ अर्थसचिव जित बहादुर लावती, पथरी नगरका अध्यक्ष छत्र कुरुम्फङ लगायत नेताहरुको उपस्थिति रहेको थियो ।

कार्यक्रमकाे सभाध्यक्ष एलभी केन्द्रीय उपकमाण्डर तथा वाङगाइ कमाण्डका कमाण्डर दिनेश खालिङ राइले गरेका थिए भने संचालन एलभी उपकमाण्डर राजु लिम्बुले गरेका थिए ।