दमक । कोरियोग्राफर तथा निर्देशक दिनेश माङमु लिम्बूको निर्देशनमा नेपाल मिडिया परिवार(एम.एन.जी.)को सातौं साँगितिक कोशेली पुर्वेली गीत ‘मैना चरीलाई’को छायांकन सम्पन्न भएको छ ।

प्रवास इजरायलमा रहेर नेपाली गीत संगीतलाई माया गरिरहेने गीतकार नितु लावती ‘मैना’को शव्दमा सजिएको पुर्वेली गीत ‘मैना चरीलाई’को छायांकन बुधबार सम्पन्न भएको हो ।

संगीतकार महेश खड्काको संगीतमा राजेश पायल राई र मेलिना राईको आवाजमा सजिएको गीतको भिडियोमा मौसम इम्बुङ लिम्बू‘फुलेन्देको बाउ’, रेखा फागो लिम्बू र निश्चल राईको अभिनय रहेको छ ।

नितु लावतीकै निर्माणमा मोरङको केराबारी, पानबारी र सुनसरीको धरान आसपासमा छायांकन गरिएको भिडियोमा सुमन योञ्जनको छायांकन, मोती सिग्देलको सहायक छायांकन र कृष्ण सुबेदीको मेकअप रहेको छ ।

बिष्णु आचार्यको संगीत संयोजन रहेको गीतलाई माहोल स्टुडियोमा रेकर्ड गरिएको हो ।