दमक, १ माघ । झापाको दमकमा आगलागी हुँदा करोडौंको क्षति भएको छ । आज (आइतबार) विहान साढे तीन बजे स्थित नमुना मार्गसँग जोडिएका पसलमा आगलागी भएको हो ।

राजु श्रेष्ठको जुत्ता पसलबाट सुरू भएको आगोले सँगै जोडिएका अन्य पाँच वटा पसलमा क्षति गरेको छ भने अन्य केही पसलहरुमा पनि क्षति पुगेको छ । जिल्ला प्रहरी कार्यालय झापाका अनुसार आगो अहिले बिहान पूर्ण रुपमा नियन्त्रणमा आइसकेको छ ।

दमक, कमल, गौरादह र उर्लाबारी नगरपालिकाका बारूण यन्त्र, स्थानीयवासी र प्रहरीले आगो नियन्त्रणमा लिएका हुन् । नमुना मार्गभित्र ४ पांग्रे गाडी छिर्न नमिल्ने गरि बनाइएको डे«न तोड्न केही समय लाग्दा दमकल तत्काल छिर्न असफल हुँदा नियन्त्रण लिन केही समय लागेको थियो ।

श्रेष्ठको जुत्ताचप्पल पसलमा विद्यु सर्ट भई आगलागी हुँदा सोही पसलसँग जोडिएका संगिता श्रेष्ठ, बिजय श्रेष्ठ, कृष्ण न्यौपाने र पुनम घिमिरेको कपडा तथा कस्मेटिक पसल जलेर नष्ट भएको जिल्ला प्रहरी कार्यालय झापाका सूचना अधिकारी प्रहरी नायव उपरीक्षक बसन्त पाठकले जानकारी दिए ।

करोडौंको क्षति भएको विवरण प्रहरीले संकलन गरिरहेको हुँदा थप विवरण आउन बाँकी रहेको इलाका प्रहरी कार्यालय दमकले जनाएको छ ।