धरान, १३ फाल्गुन । संघीय लोकतान्त्रिक राष्ट्रिय मञ्च तथा संघीय लिम्बुवान प्रान्तीय मञ्च, नेपालको जनसंगठन संघीय लिम्बुवान मजदुर मञ्चको धरान उपमहानगर समितिको पुनःगठन भएको छ । शुक्रबार सुनसरीको धरानस्थित पार्टी कार्यालयमा अर्जुन खड्काको अध्यक्षतामा नयाँ समिति गठन भएको हो ।

मञ्चका प्रान्तीय महासचिव दिलकुमार लावतीको प्रमुख आतिथ्यतामा आयोजित उक्त कार्यक्रमबाट नव गठित समितिको उपाध्यक्षहरुमा भिम पुलामी मगर, रमेश राजधामी, राजकुमार जिमी र पदम मगर रहेका छन् त्यसैगरी सचिवमा प्रदिस राई, सहसचिवमा डम्बर मगर र अर्थसचिवमा सबुरलाल धामी रहेका छन् ।

यसैगरी उक्त समितिको सदस्यहरुमा मनिता राजधामी, गणेश योगी, प्रजल विश्वकर्मा, चित्रकुमार बि.क., मनोज राजधामी, मनिस शर्मा, विवस गिरी, चित्रकुमार राई, विशाल कट्टेल, पुर्सतम बि.क., सुरेश राजधामी, फुल नारायण धामी, विक्रम लामा, रिंकु लिम्बु र चित्रकुमार मगर लगायत रहेका छन् ।

नवनिर्वाचित समितिलाई प्रमुख अतिथि लावतीले विधान बमोजिम सफलग्रहण गराएका थिए । कार्यक्रममा सुनसरी अध्यक्ष अमर इजम र धरान नगर कार्य समितिका का.बा. अध्यक्ष मोहन तिगेला लगायत नेताहरुको उपस्थिति रहेको थियो ।