ललितपुर, २८ जेठ । जनता समाजवादी पार्टी (जसपा) नेपालको राष्ट्रिय महाधिवेशन आजबाट सुरु भएको छ । आजदेखि ३ दिनसम्म जनकपुरमा जसपा नेपालको राष्ट्रिय महाधिवेशन सुरु भएको हो ।
महाधिवेशनमा देशभरबाट एक हजार तीन सय प्रतिनिधि सहभागी भएको जसपा नेपालका प्रचारप्रसार संयोजक पूर्ण बस्नेतले जनाएको छ । नेपालका सबै राष्ट्रिय पार्टीहरु, नेकपा एस, लोसपा र नेकपा विप्लवलाई समेत कार्यक्रममा बोलाईएको थियो भने भारत, मलेसिया, अजरवैजान, माल्दिप्स लगायत अन्य देशका नेताहरुको समेत उदघाटन कार्यक्रममा सहभागिता रहेको थियो ।
महाधिवेशनमा अध्यक्षबाट पेश गरिएको राजनीतिक, वैचारिक, नीतिगत दस्ताबेज प्रस्तुत गरि पारित गरिने छ । यस्तै महाधिवेशनबाट नयाँ नेतृत्वका लागि जेठ ३० गते चुनावी प्रक्रिया सुरु हुने जनाइएको छ ।
महाधिवेशनमा नेकपा एकीकृत समाजवादीका अध्यक्ष माधवकुमार नेपाल, नेकपाका महासचिव नेत्रविक्रम चन्द ‘विप्लव’लगायतका नेताहरू सहभागी रहेका छन् ।
जसपा नेपालबाट अशोक राई सहितका ७ सांसदले पार्टी विभाजन गरी जसपा गठन गरेका छन् । यसैगरी डा. महेन्द्र लावतीको संयोजकत्वमा पहिचानवादी मोर्चा गठन गरि जसपा, नेपालबाट अलग भएको घोषणा गरेका छन् ।