दमक, ३१ असार । नवनियुक्त मन्त्रीहरूले पदभार ग्रहण गरेका छन् । शितल निवासमा राष्ट्रपति समक्ष पद तथा गोपनीयताको शपथ लिएसँगै उनीहरूले आ–आफूले पाएका मन्त्रालयको जिम्मेवारी सम्हालेका हुन् ।

प्रधानमन्त्री केपी शर्मा ओलीले २२ सदस्यीय मन्त्रिपरिषद् गठन गरेका छन् । शनिबार प्रधानमन्त्री केपी शर्मा ओली सँगै २ उपप्रधानमन्त्री र १९ जना मन्त्रीहरूले राष्ट्रपतिबाट शपथ लिएका थिए ।

सोमबार राष्ट्रपति भवन शीतल निवासमा प्रधानमन्त्री ओली, उपप्रधानमन्त्री एवं सहरी विकास मन्त्री प्रकाशमान सिंह, उपप्रधानमन्त्री एवं अर्थ मन्त्री विष्णु पौडेलसहित २२ जनाले शपथ ग्रहण गरेका थिए ।

यसैगरी पृथ्वी सुब्बा गुरुङ सञ्चार तथा सूचना प्रविधि मन्त्री, रमेश लेखक गृहमन्त्री, शरतसिंह भण्डारी श्रम, रोजगार तथा सामाजिक सुरक्षा मन्त्री, डा. आरजु राणा परराष्ट्र मन्त्री, प्रदीप यादव खानेपानी मन्त्री, बलराम अधिकारी भूमि व्यवस्था, सहकारी तथा गरिबी निवारण मन्त्री बनेका छन्र ।

यसरी नै दामोदर भण्डारी उद्योग, वाणिज्य तथा आपुर्ति मन्त्री, नवलकिसोर साह सुढी, महिला बालबालिका तथा जेष्ठ नागरिक मन्त्री, देवेन्द्र दाहाल भौतिक पूर्वाधार तथा यातायात मन्त्री, तेजुलाल चौधरी युवा तथा खेलकुद मन्त्री, प्रदीप पौडेल स्वास्थ्य तथा जनसंख्या मन्त्री, अजयकुमार चौरसिया कानून मन्त्री, न्याय तथा संसदीय मामिला मन्त्री, बद्रीप्रसाद पाण्डे संस्कृति, पर्यटन तथा नागरिक उड्यन मन्त्री, रामनाथ अधिकारी कृषि तथा पशुपन्छी विकास मन्त्रीकाे जिम्मेवारी पाएका छन्र ।

विद्या भट्टराई, शिक्षा, विज्ञान तथा प्रविधि मन्त्री, मानवीर राई रक्षा मन्त्री, दिपक खड्का उर्जा, जलस्रोत तथा सिंचाइ मन्त्री, राजकुमार गुप्ता, संघीय मामिला तथा सामान्य प्रशासन मन्त्री र ऐन बहादुर शाही ठकुरी वन तथा वातावरण मन्त्री बनेका छन् ।

नेपाली कांग्रेस १० जना, नेकपा एमाले ८ जना, जनता समाजवादी पार्टी २ जना र लोकतान्त्रिक समाजवादी पार्टी (लेसापा)बाट १ मन्त्रीले सपथ लिई आजैबाट पदभार ग्रहण गरेका हुन् ।