दमक, १९ साउन । झापाको दमक ७स्थित हाटखोला निवासी प्रविण राई चाम्लिङले दमक नगरपालिकाले बलजफती गरि आफनो नम्बरी जग्गा हड्प्न खोजेको आरोप लगाएका छन् । राजनीति तथा सामाजिक व्यक्तित्व चाम्लिङले आज दमकमा एक पत्रकार सम्मेलन गरि जिल्ला अदालत झापामा जग्गासम्बन्धी मुद्दा विचाराधीन रहेको अवस्थामा एकाएक सयौंको संख्यामा सुरक्षाकर्मीहरु ल्याएर धाकधम्कीका साथ जर्वजस्ती बाटो कायम गर्न खोजेकोमा आपत्ति जनाएका हुन् ।

२०६७ सालमा खरिद गरी आफनो श्रीमती सुनिता राईको नाममा कायम रहेको साविक ६(ख) कित्ता नम्बर ३४४६० को २ कठ्ठा जग्गामा बाटो भएको भन्दैं नगरपालिकाको न्यायिक समितिले गत जेठ २१ गते एक्लौटी रुपमा फैसला गरेको चाम्लिङको आरोप छ ।

फैसला विरुद्ध नगरपालिकाले पुनरावलोकन गर्ने समय नदिएको बताउदै यसरी राजनीतिक पूर्वाग्रहका आधारमा स्थानीय सरकारले देखाएको यस किसिमको हर्कत स्वभाविक नभएको उनले सुनाए । जनताको जीउधनको सुरक्षामा चासो दिनुपर्ने भएपनि उल्टै त्रसित बनाउने कार्य गरिआएको घटनाले आफूहरु असुरक्षित हुनुपरेको विज्ञप्ति मार्फत उनले गुनासो गरेका छन् ।

विहीबार प्रहरीलाई जर्वजस्ती नगरपालिकाका प्रमुख रामकुमार थापा, उपप्रमुख रेगिना भटटराई प्रसाई, वडाअध्यक्ष भीमप्रसाद पौडेलसहित इलाका प्रहरी कार्यालयका डिएसपी निशान थापा सहित, शसस्त्र प्रहरी र नगर प्रहरी ठुलो संख्यामा आएका टोलीले राईको नम्बरी जमीनमा बाटो खुलाएका थिए । बाटो खुलाउन खोज्दा त्यहाँ दुईपक्षीय विवाद चर्किएर दिनभरि तनाब भएको थियो ।

राईले नगरपालिकाको फैसाला विरुद्ध गत जेठ ३० गते जिल्ला अदालत झापामा पुनरावेदन गरेका छन् । राईले न्यायिक समितिको फैसला त्रुटिपूर्ण भएको र सो जमीनमा कुनै पनि सार्वजनिक बाटो नभएको दावी गरेका छन् । आफनो परिवारले खरिद गरेको नम्बरी जग्गामा आफनो हित नचाहने केहि व्यक्तिको उजुरीका आधारमा बाटो रहेको फैसला गरेपनि नक्सामा बाटो समेत नभएकाले सो जमीन आफनो पक्षमा सम्मानित अदालतबाट न्याय पाउने उल्लेख गरेका छन् ।

सो मुद्दाको साउन २१ गते तारिक तोकिएको उनको भनाई छ ।

विज्ञप्ति तल हेर्नुहोस्