काठमाडौं। प्रधानमन्त्री केपी शर्मा ओलीले गरेको असंवैधानिक कदमको बिरोधमा नागरिकहरु निरन्तर आन्दोलित रहेका छन । ओलीको संसद विघटनको विरोध गर्दै आज किरात लिम्बू जातीहरुले आफ्नौ मौलिक च्याब्रुङ् ‘के’ बजाएर आन्दोलनमा सहभागी भएका छन् ।

अहिले प्रत्येक दिन जाती संघ संस्था लगायत नागरिक समाज सबैले पालैसँग माइतीघरमा आन्दोलन जारी राखेका छन् । सोही अनुरुप शुक्रबार च्याब्रुङ (के) बाजासहित उनीहरुले विरोध प्रदर्शन गरेका हुन् ।

प्रधानमन्त्र ओलीले स्वेच्छाचारी ढंगमा काम गरिरहेको भन्दै सरकारको चौतर्फी विरोध भइरहेको छ । ओलीको ‘प्रतिगमनविरुद्ध नागरिक आन्दोलन’को ब्यानरमा माइतीघरमा प्रदर्शन निरन्तर हुने नागरिक आन्दोलनका संयोजन गरिरहेका युग पाठकले बताएका छन् ।