दमक। संघीय लोकतान्त्रिक राष्ट्रिय मञ्च तथा संघीय लिम्बुवान मञ्च, नेपालले पुषको मसान्तदेखि सिसिओ अभियान शुरु गर्ने भएको छ । आज मञ्चको दमकमा बसेको आकस्मिक बैठकले सो निर्णय गरेको हो ।
देशको वर्तमान राजनीतिक घटनाक्रमले मञ्चमाथि आक्रमण भईरहेको हुँदा त्यसलाई रोक्न समेत मञ्चले यस्तो कार्यक्रम सार्वजनिक गरेको हो ।
अभियान कन्ट्याक, काउन्सिलिङ र ओर्गनाइजेन नाम दिइएको उक्त कार्यक्रममा मञ्चको दस्तावेजको रुपमा प्रकाशन भएको राजनीतिक एजेण्डालाई लिम्बुवानको प्रत्येक घरमा पु¥याउने लक्ष्य रहेको मञ्चका बरिष्ठ उपाध्यक्ष ज्ञान बहादुर गुरुङ्ले बताउनु भएको छ । मञ्चको मेचीकाली अभियान अन्तर्गत लिम्बुवानमा शसक्त सांगठानिक सुदृढिकरण सहितको कार्यक्रम गर्न लागिएको बरिष्ठ उपाध्यक्ष गुरुङ्ले बताउनु भयो ।
लिम्बुवानले झापा, मोरङ् र सुनसरीमा सय/सय वटा कार्यक्रम, धनकुटा, तेह्रथुम, संखुवासभा, ताप्लेजुङ, पाँचथर र इलाममा पचास/पचास वटा कार्यक्रम गर्ने जनाएको छ । सिसिओ अभियानको रुपमा गाउँगाउँका जनताहरुसँग जनसम्पर्क गर्ने, लिम्बुवान मञ्च सम्बन्धी आफ्नो धारणा राख्ने र मञ्चको संगठन मजबुत गरेर लाने मञ्चका उपाध्यक्ष ज्ञानुहाङ् इम्बुङ्ले बताए ।
संघीय मञ्चको मेचीकाली राष्ट्रिय अभियानका संयोजक मञ्चका संघीय अध्यक्ष कुमार लिङ्देन मिराक लगायतका नेताहरु पश्चिममा निरन्तर कार्यक्रम गरिरहँदा लिम्बुवानमा लिम्बुवान मञ्चले राजनीतिक गतिविधिलाई निरन्तरता दिनलाई पनि यो कार्यक्रम घोषणा गरिएको उपाध्यक्ष इम्बुङ् बताउनु हुन्छ ।
आज बसेको लिम्बुवानको आकस्मिक बसेको बैठकले वर्तमान प्रधानमन्त्री केपी ओलीले चालेको कदम असंवैधानिक, आलोकतान्त्रिक र प्रतिगमनकारी भएको भन्दै विरोध गरेको छ ।
साथै कोरोना संक्रमणका कारण मञ्चले केन्द्रीय नेताहरुलाई राजनीतिक प्रशिक्षण दिन नसकिरहेको हुँदा भरच्यूल माध्यबाट राजनीतिक प्रशिक्षण दिने बताइएको छ ।
ललितपुर, २१ पुष । ताप्लेजुङस्थित पवित्र धार्मिक तथा पर्यटकीय स्थल मुक्कुमलुङ संरक्षणका लागि पुनः आन्दोलन घोषणा गरिएको छ । विगत ६ बर्षदेखि आन्दोलनरत संघ संगठनहरुले पुनः संरक्षणको लागि आन्दोलन घोषणा गरेका हुन् । लामो समयदेखि...
झापाको दमकमा सम्पन्न मैत्रीपूर्ण फुटसल प्रतियोगिता २०८२ को उपाधि रोटरी क्लब अफ दमकले जितेको छ । पत्रकार मञ्च दमकको आयोजनामा पुष २१ गते आयोजित एक दिने प्रतियोगिताको फाइनल खेलमा कदम थिएटर दमकलाई ७–१ गोल अन्तरले हराउदै रोटरी च्याम्पियन बनेको हो । विजेता टिमले सेमिफाइनल खेलमा दमक नगर कर्मचारीलाई हराएको थियो भने कदमले आयोजक पत्रकार मञ्च दमक (निलो) लाई हराउदै फाइनल प्रवेश गरेको थियो । यसैगरी व्यक्तिगत विधातर्फ उत्कृष्ट गोलकिपर रोटरीका विसु राई चुनिदा, उत्कृष्ट खेलाडीको उपाधि कदमका दिपेश मगरले हात पारे । त्यस्तै प्रतियोगिता भरी ५ गोल गरेका रोटरीका सावन अधिकारीले हाइ स्कोररको पुरस्कार प्राप्त गरे । प्रतियोगिताको विजेताले नगद १५ हजार रुपैयाँ सहित ट्रफि मेडल र प्रमाणपत्र प्राप्त गरे भने उपविजेताले नगद १० हजार रुपैयाँ सहित ट्रफि मेडल र प्रमाणपत्रमा चित्त बुझाए । विजेता खेलाडीहरुलाई मञ्चका अध्यक्ष कमन देवान, औपचारिक कार्यक्रमका प्रमुख अतिथि दमक ९ का वडा अध्यक्ष कुबेर भट्टराई, अतिथिहरु इलाका प्रहरी कार्यलय दमकका प्रहरी निरीक्षक नवीन राई, विधा लक्ष्मी स्कुल दमक ४ का प्रधानाध्यापक भूपाल काफ्ले, दमकका युवा व्यवसायी रवि बस्नेत लगायतले पुरस्कार वितरण गरेका थिए । पत्रकार मञ्च दमकको आयोजनामा भएको प्रतियोगितामा दमक नगरपालिका, उधोग वाणिज्य संघ दमक, रोटरी क्लब अफ दमक, कदम थिएटर दमक, लायन्स क्लब अफ दमक, दमक जेसिस सहित राजनैतिक दलकाे सहभागिता रहेकाे थियाे । तस्वीरः सजन राई
जेनजी आन्दोलनको घटना छानबिनका लागि गठन भएको जाँचबुझ आयोगले तत्कालीन प्रधानमन्त्री केपी शर्मा ओलीलाई बयानका लागि पत्र पठाएको छ। आयोगले तत्कालीन गृहमन्त्री रमेश लेखकसँग बयान लिइसकेपछि पूर्वन्यायाधीश गौरीबहादुर कार्की नेतृत्वको आयोगले ओलीलाई पत्र पठाएको हो। आयोगले यसअघि...
ललितपुर, १२ पौष । उज्यालो नेपाल पार्टीको ताप्लेजुङ जिल्ला तदर्थ समिति गठन गरिएको छ । शनिबार पार्टीको केन्द्रीय सदस्य प्रा.डा.महेन्द्र लावतीको प्रमुख आतिथ्यतामा फुङलिङमा आयोजित एक कार्यक्रमले प्रदिप मादेन ‘नानी’को अध्यक्षतामा २९ सदस्यीय तदर्थ समिति...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७