काठमाडौं। सफल निर्देशक किरण चाम्लिङ राईले गायक दिपक लिम्बु र गायक डम्बर नेपालीको मीठो स्वरमा सजिएको “याः राक्मा हौ” गीत ल्याएका छन् । गीतको भिडियोलाई यूट्यूबबाट सार्वजनिक गरिएको हो ।

कान्छा बाजेको शब्द अनि डम्बर नेपालीको संगीत रहेको गीतमा महाराज थापाको संगीत संयोजन रहेको छ भने गीतलाई स्टुडियो ए प्लसमा कुशल थापाको रेकर्डिङ र साजन शाहले मिक्सिङ साथै मास्टरिङ गरेका हुन् ।

द नाइसेन्स फ्लानक्स युट्युब च्यानल मार्फत सार्वजनिक गरिएको गीतको भिडियोमा गायक द्वय दिपक लिम्बु र डम्बर नेपालीको साथमा र एलिजा तुम्बापोको उत्कृष्ट अभिनय देख्न सकिन्छ ।

किरण चाम्लिङ राईको निर्देशन रहेको भिडियोमा भुपेन्द्र तुम्बाहाङ्फेको छायांकन अनि अनिल रानाको सम्पादन रहेको छ ।

लिम्बु जातीहरुको धान नाँचलाई लिम्बुभाषामा याःराक्मा भनिन्छ । सोही शैलीमा रोमान्टिक भिडियोलाई नेपाली टिपिकल शब्दमा तयार पारिएको गीतको भिडियो रातोपुलस्थित रक हाउसमा एक समारोह गरि औपचारिक रुपमा सार्वजनिक गरिएको छ ।

भिडियाे हेर्नुहाेस्ः