दमक,९ माघ। जनता समाजवादी पार्टीका केन्द्रीय सदस्य देउकुमार नेम्बाङलाई पितृशोक परेको छ । नेम्बाङका पिता ८२ बर्षिय पूर्व ब्रिटिस सैनिक खड्गध्वज नेम्बाङको गएराती १० ः३८ बजे आफ्नै निवास दमक ६ मा निधन भएको हो ।

बिगत केहि बर्ष देखि मुटु रोग सम्बन्धि समस्याका कारण उपचाररत उनी गत कार्तिकमा मात्र बेलायतदेखि नेपाल आएका थिए । राजनीति बाहेक दमक बहुमुखी क्याम्पस सञ्चालक समितिका सदस्य लगायतका विभिन्न सामाजिक कार्यमा सक्रिय देउकुमार स्व.नेम्बाङका कान्छा छोरा हुन् । पान्थर चिलिङदिन ५, पात्लेमा जन्मिएका स्व. नेम्बाङका दुई छोरा र पाँच छोरीहरु छन् ।

उनको पार्थिब शरीरको आज शुक्रवार मध्यान्ह १२ः३० बजे नै कमल गाउँपालिका ५ स्थित साबित्रा चौक उत्तरको समाधिस्थलमा अन्त्येष्टि हजारौंको उपस्थितिमा अन्त्येष्टि गरिएको छ ।