दमक, माघ १२ । राष्ट्रिय सभाको निर्वाचन सम्पन्न भएको छ । बिहीबार १९ वटा सांसद पदकालागी सात वटैं प्रदेशमा सम्पन्न मतदानबाट सबैं प्रदेशबाट निर्वाचत नाम टुंगो लागेको छ ।
प्रमुख प्रतिपक्षी दल नेकपा एमालेबाट प्रदेश १ बाट खुल्ला महिलातर्फ रुक्मणी कोइराला निर्वाचित भएका छन् भने १८ जना सत्ता साझेदार नेपाली कांग्रेस, नेकपा माओवादी, एकीकृत समाजवादी र जसपाबाट निर्वाचित भएका छन् ।
प्रदेश १ बाट नेपाली कांग्रेसका कृष्णप्रसाद सिटौंला र एमालेकी कोइराला निर्वाचित भएका छन् । यसरी नै मधेस प्रदेशबाट नेपाली कांग्रेसका आनन्द ढुंगाना र जनता समाजवादी पार्टीकी पुजा चौधरी निर्वाचित भएका छन् ।
बागमती प्रदेशबाट नेपाली कांग्रेसबाट विष्णुकुमारी पुडासैनी, जीतजंग बस्नेत त्यसैगरी माओवादीबाट श्रीकृष्ण अधिकारी र एकीकृत समाजवादीबाट घनश्याम रिजाल निर्वाचित भएका छन् । यसरी नै लुम्बिनी प्रदेशबाट बिष्णुकुमारी सापकोटा नेपाली कांग्रेसबाट निर्वाचित हुँदा माओवादीबाट झक्कु सुवेदी निर्वाचित भएका छन् ।
गण्डकी प्रदेशबाट नेपाली कांग्रेसका पदमबहादुर परियार, किरणबाबु श्रेष्ठ निर्वाचित भएका छन् भने माओवादीकी मनरुपा शर्मा निर्वाचित भएका छन् । यसरी नै सुदूरपश्चिम प्रदेशबाट नेपाली कांग्रेसका बलदेव बोहरा र नारायणदत्त भट्ट निर्वाचित हुँदा माओवादीकी रेणु चन्द निर्वाचित भएका छन् भने कर्णालीबाट नेपाली कांग्रेसका कृष्णबहादुर रोकाया, माओवादीबाट बिष्णुबहादुर विश्वकर्मा र एकीकृत समाजवादीबाट सावित्री मल्ल निर्वाचित भएका छन् ।
राष्ट्रिय सभामा राष्ट्रपतिबाट निर्वाचित मनोनित एकसहित २० सांसदको पदावधि यहि फागुन २० गते सकिदैछ । यसरी पदावधि समिनेमा एमालेका ८, कांग्रेसका ४, माओवादीका ३, एकीकृत समाजवादीका २, जसपा, मनोनित र स्वतन्त्र एक÷एक जना रहेका छन् ।
एमालेबाट पदावधि समिनेमा गणेशप्रसाद तिमिल्सिना, इन्दु कडरिया, कुमार दसौंदी, दीप गुरुङ, दिलकुमारी रावल (पार्वती), नरपति लुवार, भैरवसुन्दर श्रेष्ठ र रामचन्द्र राई रहेका छन् । यसैगरी नेपाली कांग्रेसका रमेशजंग रायमाझी, जितेन्द्रनारायण देव, अनिता देवकोटा र प्रकाश पन्धको सकिएको हो । माओवादीबाट विना पोखरेल, हरिराम चौधरी र महेशकुमार महरा त्यसैगरी समाजवादीबाट नन्दा चापागाई र सिंहबहादुर विश्वकर्मा बिदाइ हुँदैछन् ।
त्यसैगरी जनता समाजवादी पार्टीबाट प्रमिला देवी, राष्ट्रपतिबाट मनोनित विमला राई पौड्याल र स्वतन्त्र सांसद खिमलाल देवकोटाको पनि पदावधि सकिँदैछ ।
संघीय लोकतान्त्रिक गणतन्त्र मुलुक स्थापना भएपनि राष्ट्रिय सभामा निर्वाचित अनुहारहरु समावेशी नभएको केही राजनैतिक विश्लेषक तथा आदिवासी जनजाति अभियान्ताहरु बताउँछन् । मुलुकमा गणतन्त्रात्मक व्यवस्था लागू भएपनि पनि पुरानो शैली परिवर्तन नभएको उनीहरुको तर्कछ ।
काठमाडाैं, २१ असाेज । जेनजी आन्दोलनकारीले पक्राउ गर्न दिएकाे जाहेरी बुझेर जिल्ला प्रहरी परिसर काठमाडौँले थप अनुसन्धानका लागि पूर्वन्यायाधीश गौरीबहादुर कार्की नेतृत्वको उच्चस्तरीय जाँचबुझ आयोगमा पठाएको छ । सुदन गुरुङलगातको सक्रियतामा मंगलबार जेनजी समूहले जेनजी...
दमक, १९ असाेज । तमोर कोरिडोरअन्तर्गत यहाँको कुम्मायक गाउँपालिका–३ कात्तिकेमा भएको बोलेरो दुर्घटनामा छ जनाकाे ज्यान गएकाे छ । ज्यान गुमाउने छ जनाको पहिचान खुलेको जिल्ला प्रहरी कार्यालय पान्थरले जनाएकाे छ भने दुर्घटनामा छ जना...
दमक, १९ असाेज । दुइ दिनदेखिकाे परेकाे भीषण वर्षाले निम्त्याएको पहिरोले प्रदेश १ काे इलाम जिल्लामा ठूलो मानवीय क्षति भएको छ। आइतबार विहानसम्मकाे विवरण अनुसार पहिरोले कम्तीमा २८ जनाको ज्यान लिइसकेकाे प्रहरीले जनाएको छ। प्रदेश...
ललितपुर, १७ असोज । देशभर मनुसनी वायु प्रभाव अझै यथावत रहेको जल तथा मौसम विज्ञान विभाग, मौसम पूर्वानुमान महाशाखाले जानकारी दिएको छ । महाशाखाका अनुसार शुक्रबार देशको सात वटै प्रदेशहरुमा साधारणतया मौसम बदली रहने जनाएको...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७