ताप्लेजुङ्, १८ पौष । ताप्लेजुङ बजारको फुङलिङस्थित तोक्मे बजारमा निर्माणधिन ताक्वाचङ याराक्मातेन यालाङ् धान नाँच पार्कको निर्माण अन्तिम चरणमा पुगेको छ । यहि पौष २५ गते तोक्मेडाँडा शनिबारे हटियाको दिन विविध कार्यक्रम गरि सो पार्कको उद्घाटन गरिने भएको हो ।

लिम्बु याक्थुङहरुको ऐतिहासिक पहिचान तथा सांस्कृतिक अस्तित्व कायम राख्न यालाङ (धाननाँच पार्क) निर्माण गरिएको वताइएको छ । किरात याक्थुङ चुम्लुङ प्रवास समिति इजरायलको करिब ५० लाख रुपैयाँ आर्थिक सहयोगमा निर्माण गर्न लागिएको ताक्वाचाङ याराक्मातेन निमार्ण उपभोक्ता समिति ताप्लेजुङका संयोजक कृतिमान मादेनले बताउनु भयो ।

किरात याक्थुङ चुम्लुङ जिल्ला कार्य समिति ताप्लेजुङको अनुगमन तथा व्यवस्थापनमा निर्मित सो पार्क उद्घाटन कार्यक्रममा चर्चिक कलाकारहरु दिपा सुहाङ, नोगेन लिम्बु, पालाम तथा हास्य कलाकार पुष्पाञ्जली तिलिङ (चपेतीको आमा), द भ्वाइस किट्सकी फाइनलिस्ट रुक्साना लिम्बु, पालाम गायिका सुनिता केदेम लाबुङ र हाक्फारे साम्लो विश्व विजेता अम्बरजङ केदेम, स्थानीय कलाकारहरु सुरज मादेन, सावाला मादेन लगायतको बजेड प्रस्तुतीका साथै यालाङ, केलाङ् लगायत सांस्कृतिक कार्यक्रम समेत उद्घाटनसत्रमा गरिने स्थानीय समाजसेवी नविन पोमूले बताउनु भयो ।

उक्त उद्घाटन कार्यक्रममा सबै पहिचानवादीहरुलाई चुले निम्तो समेत गरिएको समाजसेवी पोमूले बताए । रेडियाे तमाेर, ताप्लेजुङ एफएम र रेडियाे कावेली ले प्रत्यक्ष प्रशारण गर्ने उनले बताएका छन् ।