ललितपुर, १७ पुष । संचारकर्मी, लेखक, खोज अन्वेशक तथा पेशाले शिक्षक मनकुमार लिम्बु आङवुहाङले पूर्वी नेपालमा उठेको पहिचानको आन्दोलनमा ‘लिम्बुवान आन्दोलन’लाई समेटेर कृति प्रकाशन गरेका छन् ।

मंसिर १८ गते इलामको माङसेबुङस्थित धर्मगुरु आत्मानन्द लिङदेनको ७२अाैं जन्मोसत्वको अवसरमा गुरुको हस्तवाहुलीबाट कृति सार्वजनिक गरिएको हो ।

२०६२/६३ मा ऐतिहासिक जनआन्दोलन २ सफल भएपछि नेपाली राजनीतिमा अधिकार र पहिचानका निम्ति थुप्रै आन्दोलनहरु भए । यी मध्येको एक हो ‘लिम्बुवान आन्दोलन’ । आदिवासी पहिचान र अधिकारका निम्ति भएको सो आन्दोलन दुई दशकपछि धेरैले बिर्सदैं गएका छन् । तर, लिम्बुवान आन्दोलनलाई स्मरण गराउने ‘पूर्वी नेपालमा उठेको पहिचानको आन्दोलनमा लिम्बुवान आन्दोलन सबैभन्दा शसक्त भएको उजागर यो कृतिले गर्ने लेखक लिम्बुको दावी छ ।

आङबुहाङले जनआन्दोलनपछि लिम्बुवान आन्दोलन उठ्न नसक्नुका कारणहरु खोजी गरेका छन् । लिम्बुवान आन्दोलन गर्ने राजनीतिक दल र सामाजिक संघसंस्थाहरु र उनीहरुका मागहरुलाई मिहिन अध्ययन गरेका छन् ।

कृतिमा लिम्बुवान आन्दोलनका क्रममा गरिएका आन्दोलनका गतिविधिहरुलाई चर्चा गरेका छन् । यसैगरी लिम्बुवान आन्दोलनका मागहरु पूरा नभएपनि यसले राजनीतिक, भाषिक र सांस्कृति क्षेत्रमा पु¥याएको सकरात्मक प्रभावलाई उनले सबिस्तार व्याखा गरेका छन् ।

पुस्तकमा आङबुहाङले लिम्बुवान प्राप्ति नहुनु र लिम्बुवान आन्दोलनका कमजोरीहरु फरक ढंगले बिष्लेषण गरेका छन् । आङबुहाङको अनुसन्धनात्मक पुस्तक जनआन्दोलन २ पछि उठेको लिम्बुवान आन्दोलनको संक्षिप्त इतिहास हो ।
यस कृतिलाई माङसेबुङ् पब्लिकेशन एण्ड मेडिया प्रालिले प्रकाशन गरेको पुस्तकको मूल्य दुई सय ५० रुपैया रहेको छ ।