लिम्बुवानखबर। संघीय लोकतान्त्रिक राष्ट्रिय मञ्च निरन्तर मेचीकाली अभियानको क्रममा लिम्बुवानको विभिन्न जिल्लाहरुमा निरुन्तर कार्यक्रम गरिरहेको छ । मञ्च सम्बद्ध संघीय लिम्बुवान मञ्च, नेपाल र संघीय दलित मुक्ति मञ्चको आयोजनामा कार्यक्रमहरु भईरहेका छन् ।
धनकुटाको चौविसे गाउँपालिका बसन्तटारमा मञ्चले गाउँपालिका स्तरिय राजनैतिक प्रशिक्षण तथा अन्तरक्रिया कार्यक्रम गरेको छ । मंगलबार गरिएको सो कार्यक्रममा मञ्चले प्रकाशन गरेको राजनीतिक एजेण्डा पुस्तिका वितरण र पुस्तिका बारे नेता कार्यकर्ताहरुलाई जानकारी गराइएको लिम्बुवान मञ्चका जिल्ला का.वा. अध्यक्ष कविर चेम्जोङ्ले बताए ।
यसैगरी गत सोमबार इलामको दक्षिणी चुलाचुली गाउँपालिका ४ मा पनि चुलाचुली पालिकाका स्थानीय नेताहरुलाई मेचीकाली अभियान अन्तर्गत राजनैतिक प्रशिक्षण तथा अन्तरक्रिया कार्यक्रम गरिएको थियो । सो कार्यक्रममा त्यस क्षेत्रका नेता तथा कार्यकर्ताहरुलाई राजनीतिक एजेण्डा पुस्तिका वितरणसँगै पार्टीको आगामी कार्यदिशा बारे जानकारी गरिएको थियो । उक्त कार्यक्रमलाई लिम्बुवान मञ्च चुलाचुली गाउँपालिका अध्यक्ष विपीन योङ्याले सहजीकरण गरेका थिए ।
यसरी नै पान्थरको याङवरक गाउँपालिका २ मा खड्क बेघाको अध्यक्षतामा २० सदस्यीय संघीय लिम्बुवान मञ्च, नेपालको वडा कमिटि गठन गरिएको छ । उक्त वडा कमिटीको उपाध्यक्षमा महेन्द्र पौडेल र शम्शेर बेघा, सचिवमा चन्द्र माङमु, सहसचिवमा लोकेन्द्र बेघा र अर्थसचिवमा मन्जु माङमु चयन भएका छन् । त्यस्तै सदस्यहरुमा मनकुमार माङ्मु, टार्जन याङहाङ, यज्ञराज बेघा, बेनबहादुर बेघा, विष्णु बेघा, टिकामाया बेघा, सविन बेघा, युवराज बेघा, विवेक बेघा, स्वेणिम बेघा, अमृता बेघा, विमला बेघा र बिमल बेघा चयन भएका छन् । सल्लाहकारमा लोक बहादुर माङ्मु रहेका छन् ।
कार्यक्रमका प्रमुख अतिथि प्रान्तीय महासचिव संगम खनालले निर्वाचित समितिलाई शुभकामना दिदै पहिचान, संघीयता र लिम्बुवान प्रान्त सुनिश्चतताको लागि एकजुट भएर लाग्न अनुरोध गरे । कार्यक्रममा एलभी उपकमान्डर सागर बेघा, जिल्ला युवा सचिव रामचन्द्र नेम्बाङ, याङवरक गाउँपालिका कार्यबाहक अध्यक्ष दिलकुमार लक्सम, याङ्वरक गाउँपालिका युवा मञ्च अध्यक्ष भिम लिङ्देन, प्रवास कार्य समिति कोरियाको पुर्व अध्यक्ष रमेश लक्सम, आश्मिन इधिङ्गो लगायत स्थानियहरुको उपस्थिति रहेको थियो ।
ललितपुर, २१ पुष । ताप्लेजुङस्थित पवित्र धार्मिक तथा पर्यटकीय स्थल मुक्कुमलुङ संरक्षणका लागि पुनः आन्दोलन घोषणा गरिएको छ । विगत ६ बर्षदेखि आन्दोलनरत संघ संगठनहरुले पुनः संरक्षणको लागि आन्दोलन घोषणा गरेका हुन् । लामो समयदेखि...
झापाको दमकमा सम्पन्न मैत्रीपूर्ण फुटसल प्रतियोगिता २०८२ को उपाधि रोटरी क्लब अफ दमकले जितेको छ । पत्रकार मञ्च दमकको आयोजनामा पुष २१ गते आयोजित एक दिने प्रतियोगिताको फाइनल खेलमा कदम थिएटर दमकलाई ७–१ गोल अन्तरले हराउदै रोटरी च्याम्पियन बनेको हो । विजेता टिमले सेमिफाइनल खेलमा दमक नगर कर्मचारीलाई हराएको थियो भने कदमले आयोजक पत्रकार मञ्च दमक (निलो) लाई हराउदै फाइनल प्रवेश गरेको थियो । यसैगरी व्यक्तिगत विधातर्फ उत्कृष्ट गोलकिपर रोटरीका विसु राई चुनिदा, उत्कृष्ट खेलाडीको उपाधि कदमका दिपेश मगरले हात पारे । त्यस्तै प्रतियोगिता भरी ५ गोल गरेका रोटरीका सावन अधिकारीले हाइ स्कोररको पुरस्कार प्राप्त गरे । प्रतियोगिताको विजेताले नगद १५ हजार रुपैयाँ सहित ट्रफि मेडल र प्रमाणपत्र प्राप्त गरे भने उपविजेताले नगद १० हजार रुपैयाँ सहित ट्रफि मेडल र प्रमाणपत्रमा चित्त बुझाए । विजेता खेलाडीहरुलाई मञ्चका अध्यक्ष कमन देवान, औपचारिक कार्यक्रमका प्रमुख अतिथि दमक ९ का वडा अध्यक्ष कुबेर भट्टराई, अतिथिहरु इलाका प्रहरी कार्यलय दमकका प्रहरी निरीक्षक नवीन राई, विधा लक्ष्मी स्कुल दमक ४ का प्रधानाध्यापक भूपाल काफ्ले, दमकका युवा व्यवसायी रवि बस्नेत लगायतले पुरस्कार वितरण गरेका थिए । पत्रकार मञ्च दमकको आयोजनामा भएको प्रतियोगितामा दमक नगरपालिका, उधोग वाणिज्य संघ दमक, रोटरी क्लब अफ दमक, कदम थिएटर दमक, लायन्स क्लब अफ दमक, दमक जेसिस सहित राजनैतिक दलकाे सहभागिता रहेकाे थियाे । तस्वीरः सजन राई
जेनजी आन्दोलनको घटना छानबिनका लागि गठन भएको जाँचबुझ आयोगले तत्कालीन प्रधानमन्त्री केपी शर्मा ओलीलाई बयानका लागि पत्र पठाएको छ। आयोगले तत्कालीन गृहमन्त्री रमेश लेखकसँग बयान लिइसकेपछि पूर्वन्यायाधीश गौरीबहादुर कार्की नेतृत्वको आयोगले ओलीलाई पत्र पठाएको हो। आयोगले यसअघि...
ललितपुर, १२ पौष । उज्यालो नेपाल पार्टीको ताप्लेजुङ जिल्ला तदर्थ समिति गठन गरिएको छ । शनिबार पार्टीको केन्द्रीय सदस्य प्रा.डा.महेन्द्र लावतीको प्रमुख आतिथ्यतामा फुङलिङमा आयोजित एक कार्यक्रमले प्रदिप मादेन ‘नानी’को अध्यक्षतामा २९ सदस्यीय तदर्थ समिति...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७