लिम्बुवानखबर। रंगहरूको पर्वको रुपमा मनाईले फागु (होली) आज तराई तथा मधेसका जिल्लाहरूमा हर्षोलासपूर्वक मनाइँएको छ ।

पहाडी जिल्लामा (हिजो) आइतबार नै फागु पूर्णिमा अर्थात् होली मनाइए पनि तराई मधेसका जिल्लाहरूमा भने आज (सोमबार) होली मनाइएको हो । सरकारले पहाडमा अघिल्लो दिन र तराई मधेशमा पछिल्लो दिन विदा दिदै आएको छ ।

माेरङकाे पथरीशनिश्चरे शेल्फी राेडमा हाेली खेल्दै युवाहरू

कोरोना संक्रमण बढेको कारण देखाउँदै सरकारले होली खोल्न सामूहिक रुपमा भने बन्देज गरेको थियो । तर पनि स्वतस्फुर्त रुपमा चाड मान्नेहरुले होली आ–आफ्नै ढंगले मनाएका छन् ।

भौगोलिक संरचना र मान्यताअनुरूप फागु पूर्णिमालाई दुई दिने मनाउने चलन छ । स्थानअनुसार मनाइने फागु पुणर््िामाको नाम पनि फरक फरक छ । हिमाली र पहाडी भेकमा ‘फागु’ र मधेशमा ‘होली’ भनिन्छ । मैथिली भाषामा भने होलीलाई ‘फगुआ’ र ‘होरी’ भन्ने गरिन्छ ।

होलीमा हुन सक्ने उच्छृङ्खल गतिविधि, भिडभाड रोक्न प्रहरीले सुरक्षा सतर्कता बढाएको छ ।