दमक, २१ फाल्गुन । संघीय लिम्बुवान प्रान्तीय मञ्च, नेपाल कन्काई नगरको दोस्रो अधिवेशन सम्पन्न भएको छ । शुक्रबार कन्काईको दुर्गापुरीमा आयोजित अधिवेशनबाट हस्तबहादुर वनेमको अध्यक्षतामा १९ सदस्यीय नयाँ कार्यसमिति चयन भएको हो ।
मञ्चका उपाध्यक्ष ज्ञान बहादुर इम्बुङको प्रमुख आतिथ्यतामा गठित नयाँ कार्य समितिको उपाध्यक्षहरुमा सुवास मावो, छत्र बहादुर कुरुम्बाङ, तुलबहादुर सोनाङ राई, सचिवमा बसन्त मेन्याङ्बो र अर्थसचिवमा सरिता खजुम निर्वाचित भएको छ ।
त्यसैगरी समितिको सदस्यहरुमा कर्ण बहादुर फावेन, काजीमान मावो, बलबहादुर नेम्बाङ, लिला खजुम, नविन पोख्रेल, जर्तन किस्कु, सम्पतलाल खवास, तुलसा निङलेखु (तामाङ), इन्द्रकुमारी कुलुङ, रनमाया फोम्बो, थुमिना राई, सत्यकला राई र मालती इजम लिम्बु रहेका छन् ।
आज आयोजित उक्त कार्यक्रमको विशिष्ट अतिथिमा प्रान्तीय सचिव भक्त मेन्याङबो, प्रदेश सचिव भविराज तुम्सा, त्यसैगरी अतिथिहरुमा झापा जिल्ला अध्यक्ष नगेन राई, उपाध्यक्ष राजा आङथुपो, जिल्ला सचिवालय सदस्यहरु प्रेमकुमार फोम्बो, सल्लाहकार राम थपलिया लगायत नेताहरुले शुभकामना मन्तव्य राखेका थिए ।
कार्यक्रम नगर अध्यक्ष हाङविर कुलुङको सभाध्यक्षतामा भएको थियो । त्यसैगरी स्वगत मन्तव्य नगरउपाध्यक्ष हस्त बनेमले गरेका थिए भने संचालन बसन्त मेन्याङबोले गरेका थिए ।
Related