दमक, ३० भदौं । याक्थुङ मुन्चइत चोक सयङले आफ्नो १७औं स्थापना दिवस मनाएको छ । शनिबार किरात याक्थुङ चुम्लुङको ललितपुरस्थित चुम्लुङहिमा सांस्कृतिक कार्यक्रमसहित आयोजना गरिएको हो ।

सयङको नेवाःताम्सालिङ प्रदेश समितिको आयोजनामा कियाचु संघीय अध्यक्ष गोविन्द आङबुहाङको प्रमुख आतिथ्यतामा भएको हो । कार्यक्रममा चोक सयङका अध्यक्ष सागर केरुङ्, बरिष्ठ कलाकार यासेली योङहाङ, सागर सुब्बा लगायतले शुभकामना मन्तव्य राखेका थिए ।

चोक सयङले स्थापना दिवसको पूर्वसन्ध्यामासाउन २७ गते ‘याक्थुङ चलचित्र समालोचना लेखन तालिम’ र २८ गते ‘याक्थुङ चलचित्रकर्मी अभिमुखीकरण तथा सिरिजङ्गा लिपि प्रशिक्षण’ समेत गरेको सयङका अध्यक्ष केरुङ बताए । अध्यक्ष केरुङले यि कार्यक्रमहरूले याक्थुङ चलचित्रको सिर्जनात्मक विकाससँगै आलोचनात्मक चेत, भाषिक आत्मनिर्भरता र लिपिगत साक्षरताको विस्तारमा अर्थपूर्ण योगदान पु¥याएको बताए ।

यसैगरी सयङले ‘याक्थुङ मुन्चइत अक्षयकोष’, ‘याक्थुङ चलचित्र दर्ता कार्यविधि’, ‘याक्थुङ स्टोरी बैंक’ लगायतका संरचना तथा अवधारणाहरू याक्थुङ चलचित्र क्षेत्रलाई व्यवस्थित, संस्थागत र दीर्घकालीन बनाउन केन्द्रित भईरहेको अध्यक्ष केरुङले थपे विशेषतः ‘याक्थुङ स्टोरी बैंक’ जस्ता अवधारणाले मौखिक परम्परा, मुन्धुम, लोककथा, इतिहास, मिथक, सामाजिक स्मृति र समकालीन जीवन–अनुभवलाई भविष्यका चलचित्र सिर्जनाका लागि ज्ञान–सम्पदाका रूपमा सुरक्षित गर्ने सम्भावना बोकेको बताए ।

यसैगरी सयङ लिम्बुवान प्रदेश समितिले पनि आज दमकस्थित किरात भवनमा १७औँ स्थापना दिवस मनाएको छ ।