दमक,६ चैत । महेन्द्रा कम्पन्नीको छैठौ शाखाका रुपमा दमकमा ट्याक्टर शोरुम सञ्चालनमा आएको छ । यससंगै महेन्द्रा कम्पन्नीको ट्याक्टर शोरुम देशभरि ६ पुगेको कम्पन्नीले जनाएको छ ।

जिल्लाको माइपश्चिम क्षेत्रका उपभोक्ताहरुलाई लक्षित गरि दमकको पश्चिम बसस्टेण्डमा विधिवत शोरुम सञ्चालनमा ल्याईएको कम्पन्नीका १ नम्बर प्रदेशका प्रमुख प्रभासमान शाक्यले बताए । भारतमा उत्पादित महेन्द्राको ट्याक्टर तथा गाडीहरु नेपालका लागि आधिकारिक विक्रेता अग्नी गु्रप कम्पन्नीले विगत ३० बर्षदेखि वजार हेर्देआएको छ ।

शोरुमको अग्नी ग्रुप कम्पन्नीका प्रबन्ध निर्देशक क्याबिनेट श्रेष्ठले रिविन काटेर उद्घाटन गरेका थिए । शोरुम उद्घाटन पछि आयोजित संक्षिप्त जानकारी कार्यक्रममा बोल्दै अग्नी गु्रपका बजार निर्देशक बरदान बस्नेतले कृषि प्रयोजनका रुपमा विस्तारै ट्याक्टर आवश्यकता बन्दै गएकाले विक्रीसंगै सेवा दिन पनि कम्पन्नी प्रतिवद्ध भएको जानकारी दिए ।

कम्पन्नीले दमकपछि पूर्वी पहाडी भेगका उपभोक्ताका लागि धनकुटाको हिलेमा थप शोरुम सञ्चालनमा ल्याउने तयारी भईरहेको उनले बताए । दमकमा ट्याक्टर शोरुमको प्रवन्धकका रुपमा कुशल शाहलाई जिम्मेवारी दिईएको छ ।

शोरुम उद्घाटनमा कम्पन्नीका अधिकारी, स्थानीय व्यवसायी तथा ट्याक्टरका सेवाग्रहीहरुको समेत उपस्थिति रहेको थियो ।