ललितपुर, ४ चैत्र । ११५औं अन्तराष्ट्रिय श्रमिक महिला दिवसको दिनबाट एक महिने सडक धर्ना काठमाडौं माइतीघर मण्डला फिव्यख्यमा अहिले पनि जारी रहेको छ ।

मार्च आठको अवसर पारेर तेस्रो जनआन्दोलन राष्ट्रिय परिषद नेपालको आयोजनामा एक महिने तेस्रो जनआन्दोलन सडक धर्ना अपिल कार्यक्रम शुरु भएको हो ।

परिषदका संयोजक पूर्व मन्त्री गोपाल किरातीको अगुवाईमा विभिन्न देशभक्त श्रमिकहरुको सहभागिता रहेको उक्त धर्नामा विभिन्न माग राखेर धर्ना आयोजना गरिएको कार्यक्रमका अर्का नेता परिषदका महासचिव पदम अधिकारीले बताउनु भयो ।

लघुवित्त, मिटरव्याजी, सहकारी, विमा, बैंक तथा स्वार्गद्वारी गुठी पीडितलाई बाँच्न दिन सरकारसँग माग राखेको छ । यसैगरी सांस्कृतिक सम्पदाहरु मुक्कुमलुङ, बोझेनी, ढोरपाटन, ग्रामथान र नेवादी गुठी लगायत अन्य सम्पदाहरुको रक्षा गर्न सरकारसँग माग गरेको साथै जात व्यवस्थाको उन्मुलन गर्न राज्यसँग माग राखेको छ ।

यसैगरी सडक धर्ना बाट पहिचानसहित पूर्ण समानुपातिक प्रणाली स्थापना गर्न सरकारसंग माग गरिएको छ भने भ्रष्टचारी शासन अन्त्य र नयाँ राष्ट्रिय एकीकरणका लागि संविधानको समाजवादी सारतत्व कार्यान्वयन गर्न समेत सरकारसँग माग गरिएको कार्यक्रमका प्रमुख तथा संंयोजक पूर्व मन्त्री किरातीले बताउनु भयो ।

कार्यक्रम चैत्र २४ गतेसम्म जारी रहने वताइएको छ । हाम्राे मागहरू राज्यले सम्बाेधन नगरे तेस्राे जनअान्दाेलनबाट सत्ता परिवर्तनकाे अभ्यास शुरू गरिने समेत संयाेजक किरातीले बताउनु भयाे ।