इलाम। इलामको फाकफोकथुममा आयोजित अध्यक्ष कप फूटबल प्रतियोगिता आयोजक टिम दोस्रो चरणमा प्रवेश गरेका छन् । गत शुक्रबारदेखि संचालन भएको खेलमा पहिलो खेल आयोजक फूङ्वा युवा क्लवले जितेको थियो । चाैवन्दी युवा क्लव एकतप्पालाइ ३ का विरूद ० गाेल अन्तरले  पराजित गरेकाे हाे ।

शनिबार सम्पन्न दुईवटा खेलहरुमा एन एस टी तालखर्कले रानीबारी युवा क्लब आमचोकलाई २ का विरुद्ध ६ गोलले विजयी भएको छ । त्यसरी नै ब्राइट स्टार फाक्तेपलाई हराउँदै ब्लक स्टार कोलबोटे पनि दोस्रो चरणमा प्रवेश गरेको छ । कोलबोटेले २ गोल गरेको थियो भने फाक्तेपले गोल लगाउन सकेन ।

आज लुम्दे एफ सी को विरुद्ध राइजिङ स्पोर्टिङ क्लब र बरभञ्ज्याङ फूटबल क्लवको विरुद्ध महाभारा एफसी कुरुम्बा बिच खेल हुने आयोजक दिपक योङहाङले बताए ।

नयाँ बर्षको अवसरमा आयोजित अध्यक्ष कप फूटबल खेल वैशाख १ गतेका दिन फाइनल खेलसँगै समापन हुने छ । उक्त खेलमा प्रथम हुनेले नगद १ लाख हात पार्ने छ भने दोस्रो हुनेले ५० हजारमा चित्त बुझाउनु पर्ने खेल संयोजक फुर्सद लिम्बुले बताए ।
यस अध्यक्ष कप फूटबल प्रतियोगितामा १६ टिम सहभागी भएका छन् ।