काठमाडौं । माइक्रोसफ्ट कम्पनीका संस्थापक बिल गेट्स र उनकी पत्नी मेलिन्डा गेट्सको २७ बर्षे वैवाहिक सम्बन्ध विच्छेद हुने भएको छ । उनीहरुले २७ वर्षको वैवाहिक सम्बन्ध तोडिएको जानकारी सामाजिक संजालमार्फत दिएका हुन् ।

बिल गेट्स दम्पत्तीले ट्वीटरमा संयुक्त वयान सार्वजनिक गरेका छन्, जसमा उनीहरुले लेखेका छन्, ‘धेरै सोचविचार गरेर हामीले आफ्नो वैवाहिक सम्बन्धलाई अन्त्य गर्ने निर्णय गरेका छौं ।’

सन् १९८० को दशकको अन्तिमतिर बिल र मेलिन्डाको पहिलो भेट भएको थियो, जतिबेला मेलिन्डाले माइक्रोसफ्ट कम्पनीमा जागिर सुरु गरेकी थिइन् । गेट्स दम्पत्तीका तीन सन्तान रहेका छन् ।

दुवै मिलेर चलाउँदै आएका ‘बिल एण्ड मिलिण्डा गेट्स फाउन्डेसन’ भने सम्बन्ध विच्छेद गरे पनि यस फाउन्डेसनका लागि भने दुवै मिलेर काम गर्ने उनीहरुले संजाल मार्फत जनाएका छन् ।