बागमती, १५ जेठ । आज सरकारले जारी गरेकोे आर्थिक वर्ष ०७९÷८० को बजेट वक्तव्यमार्फत कर्मचारी र शिक्षकको तलब १५ प्रतिशतले वृद्धि भएको घोषणा गरेको छ ।

सरकारको यो निर्णयअनुसार सरकारी शिक्षक तथा कर्मचारीको तलब तीन हजारदेखि १० हजार रुपैयाँसम्म बढेको हो । अब उनीहरूले आउँदो साउन १ देखि बढेको तलब पाउनेछन् ।

तलबाहेक मुख्य सचिवदेखि कार्यालय सचिवसम्मका कर्मचारीले महंगी भत्ता बापत एकमुष्ट २ हजार रुपैयाँ मासिक भत्ता पाउँछन् । अनि हरेक वर्ष एक ग्रेडका दरले वृद्धि भएको रकम समेत तलबका रुपमा पाउँछन् । साथै वर्षको एकपटक सबै सरकारी कर्मचारीले पोशाक भत्ता समेत पाउँनेछन् ।