ललितपुर, ११ जेठ । प्रदेश १ मा बसेबास गर्ने किरात राई, लिम्बू (याक्थुङ्), सुनुवार, याक्खा लगायत किराती समुदायको विहीबार वैशाख शूल्क पूर्णिमादेखि साकेला उभौली चार्ड सुरु भएको छ ।
यो बर्ष पनि किरातीहरुले यो पर्वलाई आन्दोलनकै रुपमा मनाउने निर्णय गर्दै कोशी नाम राख्ने ८२ जना प्रदेश मन्त्री तथा प्रदेश सदस्यहरुले पूर्वका राई, लिम्बूलाई समुदायगत रुपमा आतंककारी भनेर साम्प्रदायिक गाली गर्ने अन्य ३ जना गरी ८५ जनालाई राईको साकेला र लिम्बूको याक्वा तङ्नाममा कुनै पनि अतिथि नबोलाउन प्रदेश, जिल्ला, स्थानीय तह (पालिका) र वडा समितिहरुलाई निर्देशनसहितको सर्कुलर सम्बन्धित संगठनहरुले गरिसकेको छ ।
किरात राई यायोक्खा केन्द्रीय अध्यक्ष जीवन हाताचो राईको हस्ताक्षरसहितको पत्रमा कोशी नाम खारेजीको आन्दोलन चलिरहेकोले प्रदेश मन्त्री र सांसदलाई कार्यक्रममा नबोलाउन सर्कुलर जारी गरिसकेको छ ।
त्यसैगरी बिहीबार विज्ञप्ति प्रकाशन गदै किरात याक्थुङ चुम्लुङ संघीय समितिका अध्यक्ष प्रेम एक्तेनद्वारा हस्ताक्षरित विज्ञप्तिमा कोशी नाम विरुद्ध संघर्ष चलिरहकोले आन्दोलन सफल नभएसम्म प्रदेशका मन्त्री, प्रदेश सदस्य र नेपालमा साम्प्रदायिक भाड्काउन उद्धत ३ जनालाई कार्यक्रममा नबोलाउन विज्ञप्ति मार्फत सबैलाई जानकारी गराएका छन् ।
कोशी नाम खारेजी आन्दोलनको क्रममा अघिल्लो कार्यकालमा मुख्यमन्त्री हिक्मत कार्की र केदार कार्कीलाई छुट्टाछुट्टै मितिमा ओखलढुङ्गा, केदार कार्कीलाई झापा दमकमा आक्रमण भएको थियो । पहिचानको आन्दोलनरत समुदायलाई गालि गरेको भन्दै केपी ओलीलाई झापादेखि इलाम, पाँचथरदेखि तेह्रथुमसम्म, योगेश भट्टराईलाई ताप्लेजुङमा, महेश बस्नेतलाई झापा विर्तामोड र धनकुटामा आक्रमण भएको थियो ।
कोशी नाम खारेजी नभएकोले यो बर्ष (२०८१, यले सम्बत ५०८४)मा प्रदेश सांसद मन्त्रीलाई नबोलाउन र बोलाइएमा त्यहाँ हुनसक्ने दूव्र्यबहार र भौतिक क्षतिको जिम्मेवार सम्बन्धित स्वायमले लिनुपर्ने यायोक्खा केन्द्रीय अध्यक्ष जीवन हाताछो राईले बताए । कोशी नाम खारेजीको माग राखेको र खारेजीमा नलागेकोमा जनता आक्रोशित भएकोले जुनसुकै बेला ढुङ्गामुढा हुनसक्ने भएकोले कोशी नाम खारेजी नभएसम्म सोकलामा नबोलाउन र नजान सर्कुलर गरिएको यायोक्खाले जनाएको छ ।
यसैगरी चुम्लुङ अध्यक्ष येक्तेनले पनि प्रदेश १ का मन्त्री र प्रदेशसभा सदस्यहरु लगायत ३ एमाले नेताहरुलाई कुनै पनि औपचारिक कार्यक्रममा सरिक नगराउन अनुरोध गरेका छन् । कार्यक्रममा ढुंगामुढा भए, दुव्र्यबहार भए, क्षति भए सम्बन्धित स्वयम जिम्मेवार हुनुपर्ने जनाएको छ ।
ललितपुर, २१ पुष । ताप्लेजुङस्थित पवित्र धार्मिक तथा पर्यटकीय स्थल मुक्कुमलुङ संरक्षणका लागि पुनः आन्दोलन घोषणा गरिएको छ । विगत ६ बर्षदेखि आन्दोलनरत संघ संगठनहरुले पुनः संरक्षणको लागि आन्दोलन घोषणा गरेका हुन् । लामो समयदेखि...
झापाको दमकमा सम्पन्न मैत्रीपूर्ण फुटसल प्रतियोगिता २०८२ को उपाधि रोटरी क्लब अफ दमकले जितेको छ । पत्रकार मञ्च दमकको आयोजनामा पुष २१ गते आयोजित एक दिने प्रतियोगिताको फाइनल खेलमा कदम थिएटर दमकलाई ७–१ गोल अन्तरले हराउदै रोटरी च्याम्पियन बनेको हो । विजेता टिमले सेमिफाइनल खेलमा दमक नगर कर्मचारीलाई हराएको थियो भने कदमले आयोजक पत्रकार मञ्च दमक (निलो) लाई हराउदै फाइनल प्रवेश गरेको थियो । यसैगरी व्यक्तिगत विधातर्फ उत्कृष्ट गोलकिपर रोटरीका विसु राई चुनिदा, उत्कृष्ट खेलाडीको उपाधि कदमका दिपेश मगरले हात पारे । त्यस्तै प्रतियोगिता भरी ५ गोल गरेका रोटरीका सावन अधिकारीले हाइ स्कोररको पुरस्कार प्राप्त गरे । प्रतियोगिताको विजेताले नगद १५ हजार रुपैयाँ सहित ट्रफि मेडल र प्रमाणपत्र प्राप्त गरे भने उपविजेताले नगद १० हजार रुपैयाँ सहित ट्रफि मेडल र प्रमाणपत्रमा चित्त बुझाए । विजेता खेलाडीहरुलाई मञ्चका अध्यक्ष कमन देवान, औपचारिक कार्यक्रमका प्रमुख अतिथि दमक ९ का वडा अध्यक्ष कुबेर भट्टराई, अतिथिहरु इलाका प्रहरी कार्यलय दमकका प्रहरी निरीक्षक नवीन राई, विधा लक्ष्मी स्कुल दमक ४ का प्रधानाध्यापक भूपाल काफ्ले, दमकका युवा व्यवसायी रवि बस्नेत लगायतले पुरस्कार वितरण गरेका थिए । पत्रकार मञ्च दमकको आयोजनामा भएको प्रतियोगितामा दमक नगरपालिका, उधोग वाणिज्य संघ दमक, रोटरी क्लब अफ दमक, कदम थिएटर दमक, लायन्स क्लब अफ दमक, दमक जेसिस सहित राजनैतिक दलकाे सहभागिता रहेकाे थियाे । तस्वीरः सजन राई
जेनजी आन्दोलनको घटना छानबिनका लागि गठन भएको जाँचबुझ आयोगले तत्कालीन प्रधानमन्त्री केपी शर्मा ओलीलाई बयानका लागि पत्र पठाएको छ। आयोगले तत्कालीन गृहमन्त्री रमेश लेखकसँग बयान लिइसकेपछि पूर्वन्यायाधीश गौरीबहादुर कार्की नेतृत्वको आयोगले ओलीलाई पत्र पठाएको हो। आयोगले यसअघि...
ललितपुर, १२ पौष । उज्यालो नेपाल पार्टीको ताप्लेजुङ जिल्ला तदर्थ समिति गठन गरिएको छ । शनिबार पार्टीको केन्द्रीय सदस्य प्रा.डा.महेन्द्र लावतीको प्रमुख आतिथ्यतामा फुङलिङमा आयोजित एक कार्यक्रमले प्रदिप मादेन ‘नानी’को अध्यक्षतामा २९ सदस्यीय तदर्थ समिति...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७