माेरङ, कानेपाेखरी, २० वैशाख । कानेपोखरी गाउँपालिका वडा नं. ७ मा रहेकाे कानेपाेखरीमा गाउँपालिका र सामुदायिक वन उपभाेक्ता समितिले विभिन्न संरचना निर्माण गर्न खोजिएको प्रति धिमाल समुदायले विराेध जनाएकाे छ । धिमाल समुदायकाे आस्थाकाे केन्द्र कानेपाेखरी (कानि बेराङ, धिमाल शक्तिशाली महिलाकाे अलिखित ईतिहास बाेकेकाे स्थल) मा गाउँपालिका र सामुदायिक वन उपभाेक्ता समितिले विभिन्न संरचना निर्माण गर्न खोजिएको प्रति धिमाल समुदायले शनिवार पत्रकार सम्मेलन गरि विराेध जनाएकाे हाे ।
कानेपाेखरी स्थित ग्रामथान परिसरमा आयाेजित पत्रकार सम्मेलनमा बितरित प्रेस विज्ञप्तिमा महाराजथान संरक्षणका लागि उपस्थित अभियन्ताहरुलाई गाउँपालिका अध्यक्ष, उपाध्यक्ष, वडाअध्यक्ष र प्रमुख प्रशासकिय अधिकृत समेतले धम्किकाे भाषा प्रयाेग गरेकाे घटना प्रति पनि भर्त्सना गरिएकाे छ ।
विज्ञप्तिमा भनिएकाे छ “कानेपाेखरी धिमाल समुदायकाे आस्थाकाे केन्द्र हाे । धिमाल समुदायसँग विना छलफल, विना अनुमति ऐतिहासिक स्थलको अतिक्रमण गर्नु अर्न्तराष्ट्रिय श्रम संगठन महासन्धी १६९ विपरित कार्य हो । धिमालहरूको धार्मिक, साँस्कृतिक मिथक तथा ऐतिहासिकता जोडिएको स्थललाई नामेट पार्ने स्थानिय सरकारको गैरजिम्मवार र हेपाहा प्रवृत्तीको घोर भर्त्सना गर्दछाै ।”
पत्रकार सम्मेलनमा धिमाल समुदायको देव स्थलमा जबरजस्ति अधिक्रमणको प्रयास गरिए जस्तोसुकै कडा संघर्षको कार्यक्रम ल्याउन ल्याइने धिमाल जातीय विकास केन्द्रका केन्द्रीय सहअध्यक्ष केदार धिमालले बताए ।
कानेपोखरी महाराजथानकाे ईतिहास, संस्कृती, मिथकहरूलाई समाप्त पार्ने ध्येयका साथ गाउँपालिकाले कहिले कानकाे स्तम्भ बनाउने, कहिले विभिन्न ब्यवसायिक संरचना निर्माण गर्ने अदुरदर्शी कदमलाई सच्याउन पनि विज्ञप्ती मार्फत अनुरोध गरिएकाे छ । समुदायकाे अनुराेधलाई बेवास्था गरे थप संघर्षका कार्यक्रमहरु समेत सार्वजनिक गर्ने चेतावनी उनिहरुले दिएका छन् ।
पत्रकार सम्मेलनमा धिमाल जातीय विकास केन्द्र, केन्द्रिय समितिका सह अध्यक्ष केदार धिमाल, सचिव अजितकुमार धिमाल, सचिवालय सदस्य पम्फा धिमाल, नेपाल आदिवासी जनजाति महासंघ, जिल्ला समन्वय समिति, माेरङका उपाध्यक्ष भाेजविर माझी, थारु कल्याणकारीणी सभाका केन्द्रीय पार्सद लक्ष्मण चाैधरी, धिमाल जातीय विकास केन्द्र, जिल्ला समिति माेरङका अध्यक्ष ब्रेमलाल धिमाल, नेपाल आदिवासी जनजाति महासंघ, कानेपाेखरी गाउँपालिका समन्वय समितिका अध्यक्ष खुलु राजवंशी, सचिव कमला याेन्जन, धिमाल जातीय विकास केन्द्र, कानेपाेखरी गाउँपालिका समितिका अध्यक्ष राजकुमार धिमाल, धम्कुवा गाउँ टाेल समितिका अध्यक्ष जन्तलाल धिमाल लगायतकाे उपस्थिति रहेकाे थियाे ।
यसै सन्दर्भमा धिमाल जातिय विकास संस्थाले पनि शुक्रबार एक विज्ञप्ति जारी गर्दै साे कार्यकाे भत्सर्ना गरेकाे छ ।
दमक । किरात याक्थुङ चुम्लुङले लिम्बुवान र तत्कालीन गोर्खा राज्यबीच भएको ऐतिहासिक नुनपानी सन्धिको २५२औँ वर्ष स्मरण गर्दै प्रधानमन्त्रीका नाममा ज्ञापनपत्र बुझाएको छ । किरात याक्थुङ चुम्लुङ केन्द्रीय कार्यसमितिको समन्वयमा विभिन्न संघसंस्था र राजनीतिक दलका...
प्रवास । मलेसियाको जोहोर बारुस्थित JO Hotel JB मा आयोजित किराँत याक्थुङ चुम्लुङ जोहोरको प्रथम अधिवेशन–२०२६ सम्पन्न भएको छ । अधिवेशनले हरि वाजी लिम्बुको अध्यक्षतामा नयाँ समिति गठन गरेको छ । किराँत याक्थुङ चुम्लुङका संघीय...
स्पेनले दोस्रोपटक विश्वकप फुटबलको उपाधि चुमेको छ । सोमबार विहान न्यु जर्सीको मेटलाइफ रंगशालामा भएको खेलमा डिफेन्डिङ च्याम्पियन अर्जेन्टिनालाई अतिरिक्त समयमा १–० गोलले पराजित गरेको हो । स्पेनले खेल पूर्ण रूपमा आफ्नो नियन्त्रणमा राखेको थियो ।...
अशाेक चेम्जाेङ् मानव सभ्यताको विकास संगसँगै कृषि, संस्कृति र सामुदायिक जीवन पद्धति आपसमा गाँसिँदै गएको देखिन्छ । याक्थुङ (लिम्बु) समुदायमा पनि यही प्रक्रियाबाट प्रारम्भिक जीवनदेखि शिकार, वनजन्य खाद्य संकलन गर्ने, पशुपालनमा निर्भरता, क्रमशः स्थायी बस्ती...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७