दमक, ४ जेठ। झापाको दमकस्थित लाइफलाईन अस्पतालले विशिष्टिकृत स्वास्थ्य सेवा थप गर्ने भएको छ । आइतबार अस्पतालमा आयोजित सञ्चालक समिति र सञ्चारकर्मीबीचको भेटघाट तथा अन्तरक्रिया कार्यक्रममा यस्तो जानकारी दिइएको हो ।
अस्पतालका नवनियुक्त सञ्चालक समिति अध्यक्ष बालचन्द्र सुब्बासहित सञ्चालकहरु सहभागी रहेको सो कार्यक्रममा अस्पतालका प्रमुख प्रशासकीय अधिकृत सिम्रिक गिरीले डिएम ग्यास्ट्रोलोजी र युरोलोजी सेवा थप गरी सञ्चालनमा ल्याउन लागिएको जानकारी दिए ।
‘सञ्चालक समितिको निर्णय भएसँगै अब हामी युरोलोजी र डिएम ग्यास्ट्रोलोजी सेवा थप्ने अन्तिम तयारीमा पुगेका छौँ । हरेक हप्ताको शुक्रबार र शनिबार यो सेवा उपलब्ध गराउँछौँ’, प्रमुख प्रशासकीय अधिकृत गिरीले भने । युरोलोजीअन्र्तगत पिसाबसम्बन्धी सबै, प्रोष्टेड र मृगौलामा भएको पत्थरी, पिसाब नली, अण्डकोषमा मासु पलाएको, सुन्निएकोलगायत रोगीले स्वास्थ्य सेवा प्राप्त गर्ने छन् । त्यस्तै डिएम ग्यास्ट्रोलोजीअन्तर्गत पाचन प्रणालीसँग सम्बन्धित र कलेजोमा लाग्ने रोगको उपचार हुने अस्पताल प्रशासनले जनाएको हो ।
आइतबारको भेटघाट तथा अन्तरक्रियामा बोल्दै अध्यक्ष सुब्बाले अस्पतालबाट उपलब्ध गराउँदै आएको स्वास्थ्य सेवालाई कसरी प्रभावकारी बनाउने, जनमानसमा कसरी सही सूचना पुर्याउने र जनतालाई स्तरीय सेवा पुर्याउने सम्बन्धमा अस्पताल र सञ्चारकर्मीबीच सहकार्य आवश्यक रहेको औँल्याएका थिए । ‘हामी अस्पतालका तर्फबाट अभियनकै रूपमा गुणस्तरीय स्वास्थ्य सेवाका लागि प्रतिबद्ध भएर लागेका छौँ’, सुब्बाले भने ।
अस्पतालका सञ्चालक सदस्य भीम पौडेलले अस्पतालका बारे उठेका सबै विषयमा छलफल गरेर अगाडि बढ्न लागेको प्रष्ट पारेका थिए ।
पत्रकार मञ्च दमकका अध्यक्ष कमन देवानले स्थानीयस्तरका सबै स्वास्थ्य सेवा प्रदायक संस्थाहरुको उन्नयनमा सञ्चारकर्मीहरुको सकारात्मक सहयोग रहेको भन्दै सेवाग्राही जनताले गुणस्तरीय र सर्वसुलभ सेवा पाउनुपर्नेमा जोड दिएका थिए ।
मञ्चका पूर्व अध्यक्ष विष्णु प्रसाद पोख्रेलले अस्पतालले आफ्नो पृथक पहिचान बनाउनु पर्नेतर्फ जोड दिएका थिए । त्यस्तै, अग्रज पत्रकार विष्णु सुब्बा, नेपाल पत्रकार महासंघ झापा शाखाका सदस्य सुदिप अधिकारीले सेवाग्राही जनताको स्वास्थ्यलाई ध्यानमा राखेर सेवा विस्तार गर्न सुझाव दिएका थिए ।
अस्पतालका सञ्चालक सदस्य राजकुमार भट्टराईको अध्यक्षतामा सम्पन्न कार्यक्रममा अस्पतालका सञ्चालक सदस्यहरु विक्रम साह, डा. तिलकचन्द्र साह, डा. सूर्यनारायण साहलगायतको उपस्थिति रहेको थियो ।
दमक ५ मा निजी लगानीमा सञ्चालित लाइफलाईन अस्पताल एक सय शैय्याको अस्पताल हो । यहाँ स्टाफ नर्स, एचए, रेडियोग्राफी, ल्याब टेक्निसियन, फार्मेसीलगायत विभिन्न छ वटा फेकल्टीको पढाई हुँदै आएको छ ।
दमक, ३ असार । ताप्लेजुङ जिल्ला फक्ताङलुङस्थित लिङखिममा निर्माणाधीन अप्पर तमोर जलविद्युत आयोजना निर्माण स्थलमा स्थानीयले विरोध गर्दै प्रदर्शन गरेका छन् । शुक्रवार प्रभावित क्षेत्रका बासिन्दाले उक्त आयोजनाको काम रोक्नुपर्ने माग गर्दैे प्रदर्शन गरेका हुन्...
दमक, २ साउन । झापाको बिर्तामोड नगरपालिका-५ स्थित एक औषधी पसलबाट ठुलो परिमाणमा भण्डारण गरी राखेको प्रतिवन्धित औषधी सहित अर्जुनधारा नगरपालिका ६ का २५ बर्षीय बिनोद घिमिरेलाई प्रहरीले नियन्त्रणमा लिएकाे छ । बिर्तामोड-५ स्थित मनकुमार...
दमक, २ साउन । झापाको दमकमा प्रथम ध्रुवतारा फुटसल प्रतियोगिता-२०८२ हुने भएको छ । आजबाट हुने साे प्रतियाेगिता भाेली ३ गते सम्म संचालन हुनेछ । दुई दिनसम्म हुने साे प्रतियोगिता दमक ५ गोर्खाली टोलमा रहेको विष्ट फुटसलको कोर्टमा सञ्चालन हुने आयाेजकले जनाएकाे छ । ध्रुवतारा स्पोर्टिङ क्लब दमकको आयोजनामा हुने साे प्रतियोगितामा सहभागी टिमले इन्ट्रि फि ६ हजार रुपैयाँ रहेको खेल संयोजक सन्दिप तामाङले बताए । उनका अनुसार यस प्रतियोगितामा प्रतिस्पर्धी टिमले ए डिभिजन खेलाडीहरु एक जना मात्र सहभागी गराउन सक्ने नियम रहेको छ । प्रतियोगिताको विजेताले नगद ७० हजार रुपैयाँ सहित ट्रफि र मेडल हात पार्ने छ भने उपविजेता टिमले नगद ३५ हजार रुपैयाँ सहित ट्रफि र मेडलमा चित्त बुझाउनु पर्ने छ ।
दमक, ३२ असार । प्रदेश नं. १ को नाम कोशी नामाकरणसँगै प्रदेशका पहिचान पक्षधरहरु एकजुट भएर नाम खारेजी आन्दोलनमा लडेकाहरु यतिवेला नामको विषयमा पुनः आरोप प्रत्यारोपमा उत्रिएका छन् । सामाजिक संजालमा पहिचानवादी एकता अभियानको एक...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७