दमक, १० असार। प्रधानमन्त्री केपी शर्मा ओलीको गृहनगर दमकले नीति तथा कार्याक्रम सार्वजनिक भएको छ । आज दमक नगरपालिकाले आगामी आर्थिक बर्ष २०७८/०७९ को बार्षिक नीति तथा कार्याक्रम सार्वजनिक गरेको हो ।

प्रम ओलीको गृह नगर दमक नगरपालिकाले १ अर्व ३८ करोडको बजेटको नीति तथा कार्याक्रम सार्वजनिक गरेको छ । ९औं नगरसभामा दमक नगरपालिकाकी उपप्रमुख तथा नगर प्रवक्ता गीता अधिकारीले बार्षिक नीति तथा कार्याक्रम प्रस्तुत गरेकि थिइन् ।

नगरले कोभिड–१९ सँग लड्न स्थापना गरेको अस्पताललाई थप व्यवस्थित गर्दै लानेमा नगरसभाले जोड दिएको छ । कोरोना नियन्त्रण तथा रोकथामका लागि अग्रपंक्तीमा रहेर काम गर्ने कर्मचारी, स्वास्थ्यकर्मीहरुलाई प्रोत्साहनका लागि बजेटको व्यवस्था गर्ने उप–प्रमुख अधिकारीले बताइन् ।

संक्रमणका कारण बजेट केही कम भए पनि नगरबासीको जिऊधन रक्षामा आफूहरु लागि परेको र कुनै पनि क्षेत्रमा राजश्व बृद्धि नगरेको सभाका अध्यक्ष नगर प्रमुख रोमनाथ ओलीले बताए ।

बार्षिक नीति तथा कार्याक्रममा माइ पश्चिममा क्रियासिल पत्रकारहरुको संगठन दमक पत्रकार मञ्चलाई जग्गाको व्यवस्थापन गर्दै भवन निर्माणमा थप मद्दत गर्ने पनि उपप्रमुखले उल्लेख गरेकि छन् ।

आजनै झापा ५ नम्बर क्षेत्र अन्तर्गतका अन्य स्थानीय तह कलम गाउँपालिका, गौरादह नगरपालिका र गौरीगञ्ज गाउँपालिकाले पनि बार्षिक नीति तथा कार्यक्रम सार्वजनिक गरेको छ ।