दमक, २ असार । दमक नगरपालिकाले अघिल्लो स्थानीय सरकारले दमकको प्रथम जातीको रुपमा घोषणा गरेको धिमाल जातिको महान पर्व सिरिजात–जातिरिको अवसरमा स्थानीय विदा दिएको छ ।

मंगलबार दमक नगरले एक सुचना जारी गर्दै प्रथम नागरिक घोषणा गरिएका धिमालहरुको मौलिक सांस्कृतिक पर्वको अवसरमा स्थानीय विदा दिएको हो । सूचना अनुसार आज असार २ गते नगर भित्रका वडा कार्यालय, सम्पूर्ण सरकारी कार्यालयहरु, शैक्षिक संस्था लगायतका सबै कार्यालयहरुमा एक दिनका लागि स्थानीय विदा दिइएको उल्लेख छ ।

झापा, मोरङ र सुनसरीमा मात्र बसोबास रहेको प्रकृतिपूजक आदिवासी धिमालहरुले आज सिरिजात पर्वमा विभिन्न कार्यक्रम गरि मनाउने गर्छन् । आज तीन जिल्लाका विभिन्न स्थानहरुमा मौलिक पर्व मनाउने गरेका धिमालहरुले उर्लाबारी दशविघेमा धिमाल जाति विकास केन्द्रको आयोजनमा भव्य सांस्कृतिक कार्यक्रम गरि मनाउने जनाइएको छ ।

सूचना तल हेर्नुहोस्