दमक । नेपाल तथा विभिन्न भाषाका म्युजिक भिडियो निर्देशनमा व्यस्त रहेका निर्माता तथा निर्देशक देउकृष्ण देवानको निर्देशनमा पूर्वेली लोक भाकामा सजिएको गीत ‘डाँडा बजार’ युट्यूवमार्फत सार्वजनिक गरिएको छ ।
आज (शुक्रबार) साहित्यकार तथा गीतकार चारखोले शिशिर(शिशिर लिङदम) को शव्द संकलन तथा संगीतकार चित्र याख्खाको लय संकलन रहेको पूर्वेली गीत ‘डाँडा बजार’ युमा आर्ट्स युट्यूव च्यानलमार्फत सार्वजनिक गरिएको हो ।
नेपाली चलचित्र ‘तारेभीर’का निर्माता तथा कलाकार समेत रहेका साथै दर्जनौ म्यूजिक भिडियो निर्देशन गरिसकेका देउकृष्ण याख्खाकै कोरियोग्राफी समेत रहेको भिडियोमा रेखा लिम्बू, देवेन्द्र लिम्बू, युमन लिम्बू र सुनिता सन्यक लिम्बूले अभिनय हेर्न सकिने छ ।
लोकप्रिय गायक देवेन्द्र लिम्बू र गायीका सुनिता सन्यक लिम्बूको आवाजमा धनकुटाको डाँडा बजार लाप्चेटारको वर्णन गर्न खोजिएको गीतको भिडियोलाई धनकुटाको डाँडा बजार, लाप्चेटार, राजारानी, धरान र तमोर नदीको किनार आसपासका सुन्दर एवम् रमणीय स्थलहरुमा छायाँकन गरिएको छ ।
गायक डीवी लिम्बूू र गायीका हिमानी फेवन लिम्बूको समेत आवाज रहेको ‘डाँडा बजार’ गीतको भिडियोमा पूर्वी नेपालमा बसोबास गर्ने आदिवासी लिम्बु समुदायको सांस्कृतिक पहिचानलाई प्रस्तुत गरिएको छ ।
आधुनिक देवान (भूमिराज) र पद्मा माया लिम्बू (सीता राई)को समेत अभिनय रहेको भिडियोमासुमन तामाङको छायाँकन, देवराज सिग्देलको सहायक छायाँकन, कृष्ण सुबेदी र असोक मण्डलको मेकअप रहेको भिडियोमा बिकास दाहालले कलरिङ तथा सम्पादन गरेका छन् ।
म्यूजिक मिडिया धरानमा रकेर्डिङ गरिएको गीतको संगीत संयोजन राम कार्की र मिक्सिङ कुमार सानु पुनले गरेका छन् ।
हेर्नुहाेस् भिडियाेः
ललितपुर, २१ पुष । ताप्लेजुङस्थित पवित्र धार्मिक तथा पर्यटकीय स्थल मुक्कुमलुङ संरक्षणका लागि पुनः आन्दोलन घोषणा गरिएको छ । विगत ६ बर्षदेखि आन्दोलनरत संघ संगठनहरुले पुनः संरक्षणको लागि आन्दोलन घोषणा गरेका हुन् । लामो समयदेखि...
झापाको दमकमा सम्पन्न मैत्रीपूर्ण फुटसल प्रतियोगिता २०८२ को उपाधि रोटरी क्लब अफ दमकले जितेको छ । पत्रकार मञ्च दमकको आयोजनामा पुष २१ गते आयोजित एक दिने प्रतियोगिताको फाइनल खेलमा कदम थिएटर दमकलाई ७–१ गोल अन्तरले हराउदै रोटरी च्याम्पियन बनेको हो । विजेता टिमले सेमिफाइनल खेलमा दमक नगर कर्मचारीलाई हराएको थियो भने कदमले आयोजक पत्रकार मञ्च दमक (निलो) लाई हराउदै फाइनल प्रवेश गरेको थियो । यसैगरी व्यक्तिगत विधातर्फ उत्कृष्ट गोलकिपर रोटरीका विसु राई चुनिदा, उत्कृष्ट खेलाडीको उपाधि कदमका दिपेश मगरले हात पारे । त्यस्तै प्रतियोगिता भरी ५ गोल गरेका रोटरीका सावन अधिकारीले हाइ स्कोररको पुरस्कार प्राप्त गरे । प्रतियोगिताको विजेताले नगद १५ हजार रुपैयाँ सहित ट्रफि मेडल र प्रमाणपत्र प्राप्त गरे भने उपविजेताले नगद १० हजार रुपैयाँ सहित ट्रफि मेडल र प्रमाणपत्रमा चित्त बुझाए । विजेता खेलाडीहरुलाई मञ्चका अध्यक्ष कमन देवान, औपचारिक कार्यक्रमका प्रमुख अतिथि दमक ९ का वडा अध्यक्ष कुबेर भट्टराई, अतिथिहरु इलाका प्रहरी कार्यलय दमकका प्रहरी निरीक्षक नवीन राई, विधा लक्ष्मी स्कुल दमक ४ का प्रधानाध्यापक भूपाल काफ्ले, दमकका युवा व्यवसायी रवि बस्नेत लगायतले पुरस्कार वितरण गरेका थिए । पत्रकार मञ्च दमकको आयोजनामा भएको प्रतियोगितामा दमक नगरपालिका, उधोग वाणिज्य संघ दमक, रोटरी क्लब अफ दमक, कदम थिएटर दमक, लायन्स क्लब अफ दमक, दमक जेसिस सहित राजनैतिक दलकाे सहभागिता रहेकाे थियाे । तस्वीरः सजन राई
जेनजी आन्दोलनको घटना छानबिनका लागि गठन भएको जाँचबुझ आयोगले तत्कालीन प्रधानमन्त्री केपी शर्मा ओलीलाई बयानका लागि पत्र पठाएको छ। आयोगले तत्कालीन गृहमन्त्री रमेश लेखकसँग बयान लिइसकेपछि पूर्वन्यायाधीश गौरीबहादुर कार्की नेतृत्वको आयोगले ओलीलाई पत्र पठाएको हो। आयोगले यसअघि...
ललितपुर, १२ पौष । उज्यालो नेपाल पार्टीको ताप्लेजुङ जिल्ला तदर्थ समिति गठन गरिएको छ । शनिबार पार्टीको केन्द्रीय सदस्य प्रा.डा.महेन्द्र लावतीको प्रमुख आतिथ्यतामा फुङलिङमा आयोजित एक कार्यक्रमले प्रदिप मादेन ‘नानी’को अध्यक्षतामा २९ सदस्यीय तदर्थ समिति...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७