विराटनगर, ६ साउन । प्रदेश नं. १ को नाम पहिचानको आधारमा ‘लिम्बुवान–किरात प्रदेश’ राखिनु पर्ने मागसहित विहिबार विराटनगरमा ¥याली सहिते जनप्रदर्शन गरिएको छ । प्रदेशका विभिन्न जिल्लाबाट प्रदेशको राजधानी विराटनगरमा आएका विभिन्न राजनीतिक दल, कियाचू लगायत अन्य संघसंस्थाहरुबाट आएका प्रदर्शनकारीहरुले मुख्यमन्त्री कार्यालयमा धर्ना समेत दिएका थिए ।
कियाचुको संयोजनमा बनेको ३५ घटकीय मोर्चाले प्रदेशको नाम ‘लिम्बुवान, किरात’ राख्नु पर्ने मागसहित मुख्यमन्त्री राजेन्द्रकुमार राइलार्ई ज्ञापनपत्र समेत बुझाएका थिए ।
ज्ञापनपत्र बुझ्दै मुख्यमन्त्री राईले भने, ‘एमालेको पनि बहुपहिचानको कुरा छ‚ नेपाली काँग्रेसको पनि घोषणापत्रमा पहिचान भेटिने मूल नारा छ । सबै दलहरूको घोषणापत्रमा पहिचानको विषय उल्लेख छ।’ राजनीति गर्दा बोलेको कुरा पूरा गर्न सकिएन भने राजनीति नै छाड्न उनले आग्रह गरे ।
‘लिम्बुवान, किरात’ले नै प्रदेशको सभ्यता, साँस्कृतिक, मौलिकतालाई बोध गराउने भएकाले यसै अधिवेशनबाट नाम टुंगो लगाउनु पर्ने उनीहरुको माग रहेको छ ।
१ नम्बर प्रदेशको नाम ‘लिम्बुवान, किरात’ राख्न दबाब दिन जनप्रदर्शनमा सहभागी हुन पहिचानवादी दल तथा संघसंस्थामा आवद्ध संगठनका हजारौं कार्यकर्ता विराटनगर पुगेका थिए ।
मुख्यमन्त्री कार्यालयमा धर्ना र ज्ञापनपत्र बुझाईसकेपछि प्रदर्शनकारीहरु ¥याली गर्दै प्रदेश नं. १ को संसद सचिवालय भवनको परिषरमा पुगेर कोणसभा गरेका थिए ।
कोणसभालाई कियाचु संघीय अध्यक्ष प्रेम येक्तेन, मञ्च तथा लिम्बुवानका अध्यक्ष कुमार लिङ्देन मिराक, जसपा लिम्बुवान मोर्चाको अध्यक्ष खगेन्द्र माखिम, माओवादी केन्द्र सम्बद्ध लिम्बुवान मोर्चाका बरिष्ठ उपाध्यक्ष शंकरध्वोज नेम्बाङ्, दलित शिल्पी नेता दलमर्दन कामी, राष्ट्रिय जनमुक्ति पार्टीका नेता विष्णु थाम्देन, नागरिक अभियन्ता पदम अधिकारी, राष्ट्रिय एकता पार्टीका प्रेमदिप थाम्सुहाङ्, मुश्लिम नेता सलिम अन्सासी र धिमाल स्वायत्तका नेता केदार धिमाल लगायतले प्रदेश नं. १ लाई लिम्बुवान, किरात प्रदेश घोषणा नगरेसम्म आन्दोलनको आधिबेहरी ल्याउने चतावनी दिएका छन् ।
किरात याक्थुङ चुम्लुङको समन्वयमा विभिन्न ३५ वटा राजनीतिक, समाजिक संघसंस्था संगठनहरुको आवद्ध ‘लिम्बुवान किरात संयुक्त संघर्ष समिति’ले आन्दोलन घोषणा गरेको हो । आगामी कार्यक्रमहरु थप गर्दै जाने समेत संघर्ष समितिले जनाएको छ । कार्यक्रम कियाचू लिम्बुवान प्रदेश समितिका अध्यक्ष मधुराज केरुङको संयोजकत्व तथा मुख्यसचिव नरेन्द्र केरुङको संचालनमा सम्पन्न भएको थियो ।
ललितपुर, २१ पुष । ताप्लेजुङस्थित पवित्र धार्मिक तथा पर्यटकीय स्थल मुक्कुमलुङ संरक्षणका लागि पुनः आन्दोलन घोषणा गरिएको छ । विगत ६ बर्षदेखि आन्दोलनरत संघ संगठनहरुले पुनः संरक्षणको लागि आन्दोलन घोषणा गरेका हुन् । लामो समयदेखि...
झापाको दमकमा सम्पन्न मैत्रीपूर्ण फुटसल प्रतियोगिता २०८२ को उपाधि रोटरी क्लब अफ दमकले जितेको छ । पत्रकार मञ्च दमकको आयोजनामा पुष २१ गते आयोजित एक दिने प्रतियोगिताको फाइनल खेलमा कदम थिएटर दमकलाई ७–१ गोल अन्तरले हराउदै रोटरी च्याम्पियन बनेको हो । विजेता टिमले सेमिफाइनल खेलमा दमक नगर कर्मचारीलाई हराएको थियो भने कदमले आयोजक पत्रकार मञ्च दमक (निलो) लाई हराउदै फाइनल प्रवेश गरेको थियो । यसैगरी व्यक्तिगत विधातर्फ उत्कृष्ट गोलकिपर रोटरीका विसु राई चुनिदा, उत्कृष्ट खेलाडीको उपाधि कदमका दिपेश मगरले हात पारे । त्यस्तै प्रतियोगिता भरी ५ गोल गरेका रोटरीका सावन अधिकारीले हाइ स्कोररको पुरस्कार प्राप्त गरे । प्रतियोगिताको विजेताले नगद १५ हजार रुपैयाँ सहित ट्रफि मेडल र प्रमाणपत्र प्राप्त गरे भने उपविजेताले नगद १० हजार रुपैयाँ सहित ट्रफि मेडल र प्रमाणपत्रमा चित्त बुझाए । विजेता खेलाडीहरुलाई मञ्चका अध्यक्ष कमन देवान, औपचारिक कार्यक्रमका प्रमुख अतिथि दमक ९ का वडा अध्यक्ष कुबेर भट्टराई, अतिथिहरु इलाका प्रहरी कार्यलय दमकका प्रहरी निरीक्षक नवीन राई, विधा लक्ष्मी स्कुल दमक ४ का प्रधानाध्यापक भूपाल काफ्ले, दमकका युवा व्यवसायी रवि बस्नेत लगायतले पुरस्कार वितरण गरेका थिए । पत्रकार मञ्च दमकको आयोजनामा भएको प्रतियोगितामा दमक नगरपालिका, उधोग वाणिज्य संघ दमक, रोटरी क्लब अफ दमक, कदम थिएटर दमक, लायन्स क्लब अफ दमक, दमक जेसिस सहित राजनैतिक दलकाे सहभागिता रहेकाे थियाे । तस्वीरः सजन राई
जेनजी आन्दोलनको घटना छानबिनका लागि गठन भएको जाँचबुझ आयोगले तत्कालीन प्रधानमन्त्री केपी शर्मा ओलीलाई बयानका लागि पत्र पठाएको छ। आयोगले तत्कालीन गृहमन्त्री रमेश लेखकसँग बयान लिइसकेपछि पूर्वन्यायाधीश गौरीबहादुर कार्की नेतृत्वको आयोगले ओलीलाई पत्र पठाएको हो। आयोगले यसअघि...
ललितपुर, १२ पौष । उज्यालो नेपाल पार्टीको ताप्लेजुङ जिल्ला तदर्थ समिति गठन गरिएको छ । शनिबार पार्टीको केन्द्रीय सदस्य प्रा.डा.महेन्द्र लावतीको प्रमुख आतिथ्यतामा फुङलिङमा आयोजित एक कार्यक्रमले प्रदिप मादेन ‘नानी’को अध्यक्षतामा २९ सदस्यीय तदर्थ समिति...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७